作為和理非，開始反思 叫人走 呢鋪口癮

都話交畀人自己決定

和理勇缺一不可。 push

Push

其實又點解你哋會次次都覺得佢哋係死守？
下下要好似marvel咁打足兩個鐘先滿足你哋衝嘅定義？

我都係咁諗 永遠尊重支持前線 只係唔希望白白送頭
有前線手足可以解釋下 你地想做啲乜
利申6點

推，今日邊個天才話730走

冇錯呀 有催淚彈咪戴豬嘴囉
戴咗豬嘴咪唔驚催淚彈囉
咁見到催淚彈仲驚咩

其實有乜所謂啫......你地話啲人發夢唔得閒上連登架嘛
又話前線有勇有謀
咁其實我地呢啲冷氣軍師講乜對你地有乜影響啫？

認同, 和理非思想上要改變下
唔好成日認為前線無諗過
好擔心佢地有事, 但可以做既係幫佢哋唔係叫佢地走
係幫佢地留後路

自己走定唔走 只需要交比自己決定
唔需要人地話你知，同時自己亦唔好幫人做決定

推

影響到d中後排支援既人，佢地本身十五十六，上到黎清一色全部叫人走

坦白講, 我絕對相信前線

我地要既野係其他方面backup 佢地
資訊提供, 路線撤退, 裝備提供, Blackbloc, 文宣等等...
我地咁做先最幫到佢地

推

其實和理非既本質就係, 有危險就會走。
我有朋友話聞到 tear gas 陣味已經走。

勇武就係咁叫人留係度丫去南邊圍丫。

真係要預左無乜人理你, 因為第一: 元朗衝擊並唔係主流民意, 就算你話唔入村, 班和理非點知係咪trap? 會唔會比人包抄推推下就入左村? 所以點解今日啲人走得咁快, 主要並唔係因為啲 post, 而係好多人本身唔諗住今日會衝, 你一衝, 佢地就會同你拉開距離。其實前線真係有需要檢討下, 今次真係完全唔知點解要衝?

咁如果現場大部分人想走 但前線唔走 點應該跟邊個

支持前線決定

無下次無下次
由6月聽到依家
長期戰嚟㗎

坦白講
勇武手足係好難真正意義上去戰勝一隊齊裝備既部隊
更多時候係以對抗去比對方壓力
引出對面既暴力
以肉身去顯示對方既失控

有感, 希望引起理性討論, 無必要講咩冷氣軍師, 要落就會落, 要退就會退

我覺得每次完左最重要係有2樣野要帶到落去
1. 政治目的 (立會, 警總, 娜娜, 水貨)
2. 輿論 (主要為黑警不合理武力對待(力), 執法時間(時), 以及驅散路線(地);; 時:上水遊行期間已經衝突, 地+時: 新城市集會未完就困獸鬥...)

留意返, 輿論往往係要犠牲一啲手足一堆血汗先換得到返黎嘅

今日1. 係要對準官鄉黑勾結, 班黑嘅忍左成日無出黎
時: 警嚮出左反對通知書下基本上係可以隨時清場, 打左一個下晝, 你來我往, 都算係咁喇;; 入夜對家俾足路線時間前線撤退, 我想問實力明顯懸殊嘅情況下, 留低打除左為啖氣仲為乜??
我真係唔覺得為啖氣輸勇武人員係我地整體負擔得起嘅事...

敢講我地勇武本身已經無3萬人, 未計裝備未計鄉黑外援, 勇武其實比起和理非更加珍貴

另外唔知大家有無留意到, 其實驚犬每次係比每次踩過少少, 亦即係下次我地會更難打.... 由612唔敢衝入站, 到新城市衝到入SHK, 到今時今日衝埋入西鐵站..... 地鐵作為我地全部人嘅唯一撤退手段, 莫講話要求停駛, 淨係架車未到而對方衝入站拉人已經會傷亡慘重; 我希望大家有留意到呢一點.

我覺得每次每一仗其實都有因時制宜嘅空間, So far 變動最快手嘅係71同埋上水::
71無容置疑係一場里程埤, 多得前線清楚為我地斷定左1.政治目的嘅基石, 多得大家合力同立場姐姐個訪問令我地搶到一大片2.輿論;; 但同時唔好忘記, 成件事嘅前提係對家自己撤自己柒先造就到.
上水嗰役同樣地係對方自己犯錯, 時機上嘅出錯+跳橋所以成功搶到輿論嘅高地; 當日同今日有少少似, 萬一停地鐵基本上無地方散, 所以當日唔拖延我覺得係漂亮嘅;;
跟住就係中聯辦一役, 當日明明大家已經好好咁表達到1.政治目的., 我唔係太理解點解散場條線一定要set嚮尾班車嗰一刻.... 為咩呢?? 為左每一句要用身體血汗換返黎嘅輿論?? 如果當晚唔係立場咁啱嚮元朗, 我地輿論分分鐘輸一半!!
我重申一次, 嚮明明實力懸殊嘅情況下, 會唔會試下打個大遊擊, 扮撤退然後集體轉地點打副本?? 我地轉陣點都快過佢地重整旗鼓, 點解我地唔更加大範圍地Be Water??

對於黑警嘅不合理武力其實已經人所共知嫁喇Ceiling effect無咩爆炸性.... 上星期衰到連黑都用埋佢地輿論真係已經輸到貼地, 我覺得少少機會都唔好俾到佢搶返, say今晚俾足時間路線大家去散, 我覺得有點兒講唔過...

大家不妨望遠少少, 唔洗次次衝... 佢地暫時可以無憂止Hea逗人工, 等我地慢慢民鬥民, 但係愈近10-1, 佢地壓力只會愈大
我希望大家可以合作, 做多幾次和理優.... 始終登得上世界大台最靚嘅畫面唔係我地被狗惡意對待嗰時, 而係我地表達到之餘更可以"優雅"地散場, 好似尋日機場一樣
另外我覺得而家呢一刻大方向係要促成公務員團隊真。大。罷工, 呢個先至係真正下一步迫到政府面對嘅靚棋

兄弟爬山, 絕對支持, 歡迎理性討論
香港人加油, 萬事小心

PS. 打完嗰刻睇到佢地衝入西鐵站條片真係好迷惘, 一定係要插, 但與此同時, 如果1930真係一齊散哂會唔會搞到咁呢....??