概要
１）以下係講俾以為元朗大馬路上有牛屎的港九旅客聽，屯元天人用返你的方法認路。
２）元朗市外可以理解為隨機生怪的野外，當日入野外唔擔保全屍出返黎，但亦唔代表市內唔會生怪。
３）大部分街地理加功能可分 東西向的橫街 及 南北向的縱街。
４）元朗有天橋無天橋網絡、無隧道，主要係行地面，唔好期望好似港九咁有仔細指示。
５）用指南針唔好用ＧＰＳ，ＧＰＳ人多樓多好易唔準，而元朗小巷多，側少少都有分別。
６）背咗口訣佢「一河兩軌三商場」。
一河：臭河
其實係山貝河延伸入市區的一條渠，姑且叫佢臭河。
縱向分割元朗市東西兩區，河北有朗屏西鐵站。
其實一直南延會直通幾個鄉。
唔係以下呢兩條。
兩軌：輕鐵路軌和西鐵路軌
輕鐵路軌的青山公路元朗段，俗稱元朗大馬路（橫）。
橫向分割元朗南北兩區。
西鐵路軌的宏達路、媽橫路、朗業街，咁多名其實同一條路黎，簡單Ｄ叫佢西鐵路（橫）。
橫向的北邊市區邊界。
三商場—ＹＯＨＯ、千色廣場、元朗廣場
ＹＯＨＯ（ＳＨＫ）
港九人可能聽過的ＹＯＨＯ，連住元朗西鐵站，係市區東邊界線。
右邊係ＹＯＨＯ
千色廣場（好似改左名千色匯）（恆基兆業）
大棠路（縱）、教育路（橫）交界。
因為南邊無明顯分界線，不建議越過千色向南行。
大棠路亦係去鄉的主要馬路之一。
元朗廣場（ＳＨＫ）
大馬路較西位置，斜對面係警署，有天橋直通朗屏西鐵站。
東邊只有運動場、水邊圍邨、元朗警署。
所以，可以將元朗市劃分東北、東南、西南、西北４區。
景點：元朗警署
到達元朗廣場斜對面就係，教育路向西行到盡轉右都可以。
廁所位或小休點（由東至西）
ＹＯＨＯ（東邊界，ＳＨＫ）
鳳琴街體育館（東南區，千色和ＹＯＨＯ中間）
開心廣場（東北區，大馬路邊，ＳＨＫ）
千色廣場（東南區）
康樂路元朗兒童遊樂場（東南區，大馬路康樂路輕鐵站轉入去）
安興遊樂場及元朗圖書館（西南區較南位置）
大馬路邊元朗廣場（西北區，大馬路邊，ＳＨＫ）
往返交通
同大家講講幾種去元朗的方法：西鐵、輕鐵、巴士、單車。
西鐵
記住西鐵除左可以去荃灣、九龍之外，另一方向仲可以去天水圍、屯門。
輕鐵
元朗所有輕鐵路線一係去天水圍，一係去屯門。
假設元朗大馬路輕鐵停駛（如果大馬路人多，都幾肯定會發生），
最近去到洪水橋站有得搭去天水圍／屯門。
巴士
屯元天的巴士路線都幾似，你去到任何一區，都有以下巴士離開，車站詳情就自己查喇，元朗人多會點改暫時都係無人知，但ＹＯＨＯ對出一封，巴士就會行西邊去其他區，或全停。
往返元朗
上水276,276P
大埔264R
沙田269D
荃灣、青衣68M,68A,68E,268M
油尖旺68X,268X,268B
黃大仙、觀塘268C
港島968
往返天水圍
上水276A,276B
大埔264R
沙田269D
荃灣69M,269M
油尖旺69X
黃大仙、觀塘269C
港島969,967
往返屯門(屯門站及屯門市中心)
上水261
沙田263
荃灣60M
油尖旺60X,260X, 63X
黃大仙、觀塘259D,62X
港島961
單車
很重要說三次，單車是交通工具，單車是交通工具，單車是交通工具。
朗屏站有單車徑去天水圍，亦有單車徑經洪水橋去屯門。
沿青山公路往屯門，到屏山附近兩邊都有單車路。
個人建議大家由天水圍出，踩一架共享單車去朗屏站。
撤退路線
太多小街，只能講大致方向，不要入小巷，盡量行主要街道，主要街道特徵是平時在過路設施先可以橫過，兩邊有欄杆。以下由最好的回家路線排到最快見耶穌的路線。先睇一睇勢力圖，其實係無安全步行離開元朗的路線。
１）朗屏西鐵站
．行去中間臭河，然後向北行，是最能避開村的路線；
．或者見到元朗廣場去朗屏的天橋，上去或沿橋底向北行，會到朗屏站；
．或者一直向北行，直至見到西鐵路軌，再搵朗屏站。
２）元朗西鐵站
．沿輕鐵路軌向東行就會見到；
．或者北行到西鐵路望，但小心其中一段路近村。
３）單車去洪水橋／兆康／屯門
朗屏站＞沿西鐵下的馬路＞沿單車徑去洪水橋
朗屏站後行呢條路右邊。
都會經過村，但係經少Ｄ有份白衣的村，所需體力較多。
（參考村民POST）
４）單車去天水圍
朗屏站＞朗屏路＞朗天路＞會再見到西鐵軌＞天水圍西鐵站
留意：朗屏路兩邊都係村
５）步行向西邊元朗公園、水邊圍邨搭巴士／求義載
巴士唔肯定有無，有就好大機會改行西方，義載在西邊上車也較易。
６）步行向東邊博愛醫院搭巴士／求義載
估計276仲會停博愛，但ＹＯＨＯ去博愛中間有段路無掩護，亦近南邊圍。
７）位於東南區的元朗消防局（鳳琴街、鳳翔路交界）
感謝消防員和救護員，不過要到消防局先經較危險區域。
東行至鳳翔路向南行。
見耶穌路線１）南下越過馬棠路
全部都係鄉村。
見耶穌路線２）元朗西鐵站北行再入埋村
果條叫南邊圍，旁邊的其他村都係白衣人主力。
（參考村民POST）
光復元朗！齊上齊落！
