今次成個香港抗爭行動無大臺
兄弟爬山，各有各做
所以我想講
每一個同事行出黎，出席機場集會真係好重要
宜家唔係叫你罷工
正係叫你過黎機場坐下，咁都驚？
如果聽日要番工既咪早少少番工
或者收工後兜一轉機場
Dayoff 既過黎搵同事食飯又得
呢個六月同七月
香港人已經為呢個城市做左好多野，流過好多血
到早幾日，終於見到有自己部門既同事出左聲明
我感動到喊
估唔到身邊同事
作為公務員，甚至係相對上年紀大既公務員
都勇於出聲
聽日，再有一個平台俾大家明示自己既立場
俾大家影響身邊既同事，影響身邊既人
你肯出黎，可能最後令到身邊十個政治冷感，活係自己安舒區既同事反省。
唔好再冷漠
唔好再話驚影響自己既專業形象
我想講
你先係香港人
然後先再係 ATCO，pilot，crew，operations officer。。。。
可能你無仔女係和平集會時俾警察打過
可能你唔係住元朗
可能你覺得自己揸住個牌，有咩事咪走去外國做
可能你覺得番工時 touch wood 出事會俾人送番大陸調查係無限上綱
可能講到尾 you don’t fucking care
但如果調番轉
上面講既野真係發生係你身上
你想唔想有身邊既同事，有香港人支持你？
我唔係政務官，支筆唔勁
但以上所講既全部都出自真心
聽日，約定你！
最後，呢個係俾果d好堅持要證明我自己係唔係空管主任既人參考
