去到一個環境,啲朋友成日都話比人問拎電話ig。但唯獨我係完全無人問津。我有諗過係咪我太樣衰定性格有問題。但我身邊所有人都話唔係。佢地成日都話有聽過人讚我,同我去街都見會有人望下我,但就係無人埋身。個個都r曬頭諗唔明點解無人approach我。
之後佢地講過覺得有時候可能係我太打扮反而無人approach。因為身邊好多朋友都係tshirt短褲短裙仔反而好多人approach。我就偏向文青同日系(唔係cosplay/lolita)朋友們成日話無乜男仔鍾意女仔著啲咁長嘅衫又多layers又帶曬頭帶同帽

試過問啲好熟嘅男仔,佢地話一開頭見到你會好想同你講野。但你日日襯曬衫又set曬頭咁覺得你似睇人唔上眼、勁串嘅女仔。仲會覺得你有男朋友。真係機緣巧合friend咗先發現你真係純粹鍾意扮靚。其實係好nice仲要on9綿羊咁。但仲係會成日覺得你有拖拍,但事實係無男人埋身

之後等咗好耐終於有potential對象,但就好似無疾而終咁

有時我諗,其實我個人係咪有啲乜問題但無人話我知
