職業安全眼罩, 專業選購指南 by 無名博士 (買眼罩前必定要睇)

以下係節錄, 原文請看貼文底部連結. 有更多職業安全健康防具專業資料. 最重要係知道出面有乜賣、更要自己學識點去揀.

想知點揀? 點防霧? 戴眼鏡可以點? 最少睇晒下面.

返工有時既想防化學性危險 (刺激性氣體、腐蝕性液體), 又想防物理性衝擊 (假如部機鋸緊啲嘢突然間斷咗, 好似子彈咁飛過嚟), 咁點揀用乜先保護到自己雙眼呢?

授人以魚不如授人以漁. 呢個係我信條. 是故, 寫長文嘅目的令你明白點樣去揀, 而唔係齋 post 一個 list of model. 畢竟天下有無數 manufacturer, 或者最啱你返工用嘅、最易買嘅, 就响你身邊.

2B. 如何理解護目鏡嘅標準
舉個例 3M GoggleGear GG2891S-SGAF, Sealed, Clear Scotchgard Anti-fog lens, Sealed Version .

佢個 spec 係: ANSI Z87.1-2015 (3M Z87+ U6 D3 D4 D5) - Sealed Version

意思即係, 此 goggles 以 ANSI Z87.1-2015 作為護目鏡標準. 2015 代表 2015 年出嘅標準版本. ANSI 係美國標準.

Z87+: High Impact (防衝擊)
D3: Splash and droplet (防液體)
D4: Dust (防塵, 有生產商寫成 >5 micron particle)
D5: Fine Dust (防微塵, 有生產商寫成 <5 micron particle)
U6: UV radiation (防紫外線. U2 to U6 - 數字越大, 對 far-UV 同 near-UV 輻射保護性越高)

2C. Direct Vented, Indirect Vented vs Non-Vented (sealed)

Directed Vented (附直接透氣孔): 唔會咁易有霧, 但 goggles 上有洞, 俾空氣流通. 有化學液體、氣體危險時唔會用.

Indirect Vented (附間接透氣孔): 咁算易有霧, 最好買 anti-fog lens. 但 goggles 上有洞, 俾空氣流通. 啲洞係有啲 cover, 防到化學液體, 唔防化學氣體危險.

Non Vented (不透氣): 好易有霧, 必買 anti-fog lens. 防到化學液體, 算防到化學氣體, 記住好難會 100% 防到, 假如 concentration 太高.

2D. 戴眼鏡嘅工友要揾 OTG Goggles

OTG Goggles 全寫係 Over the glasses Goggles. 即係你唔使除眼鏡, 就咁戴 goggles 在眼鏡外/上都得. 戴眼鏡嘅工友要買 OTG Googles, Wrap Around 嗰種(例如 3M GG2891S) 係包唔到眼鏡. 我做實驗時, 有時會用 OTG 呢種.

2E. Anti-fog (防霧) coating 或用牙膏防霧

Anti-fog coating 係必要嘅, 唔係時時做嘢時, 鏡裡有霧氣睇唔到會好煩. 即使玩樂時, 玩槍我都會買 anti-fog version, 因貼面同眼嘅護目鏡 design 係一定會起霧.

浮潛時, 我個面罩有度數 lens, 但冇 anti-fog coating, 就用牙膏防霧. 用少少就得, 唔好揀有 whitening, 會整花個 lens. 先塗一層薄薄嘅牙膏在鏡片上, 再用手指/眼鏡布 buff 到無晒, 就能有效防霧 (唔好過水). 冇牙膏, 亦可用土法口水, 不過時效唔長, 同埋幾 nasty.

3. 結論:

簡單咁講, 我返工有時既想防化學性危險 (刺激性氣體、腐蝕性液體), 又想防物理性衝擊 (假如部機鋸緊啲嘢突然間斷咗, 好似子彈咁飛過嚟). 用 ANSI Z87.1 標準: Z87+ rated, non-vented, D3, D4 保護性已好好, 有埋 D5 係最好. non-vented 必定要買 anti-fog (防霧) option.

3A. 既防化學性、又防物理性危險可考慮嘅 Goggles Model

隨便講三個例子: 最少有 Z87+, non-vented, D3, D4

第一個冇戴眼鏡先用得, 第二、第三個有戴眼鏡都用得 (OTG option).

Option 1: 3M GoggleGear model no: GG2891S-SGAF. Sealed, Clear Scotchgard Anti-fog lens, Sealed Version (non-vented)
注意係 GG2891S, 一定要有最尾個 S 先係 sealed non-vented version. 唔戴眼鏡先用得.

spec: Z87+ D3 D4 D5 U6

https://multimedia.3m.com/mws/media/1699473O/3m-gogglegear-2890-series-technical-specification.pdf

Option 2: Bolle, model: superblast goggles (40296 for sealed, non-vented version), Anti-fog, anti-scratch, OTG Goggles (戴眼鏡嘅人可考慮, 呢個講明會 fit half mask respirator. 你返工要用呼吸氣就可以諗諗)

spec: Z87+ D3 D4 D5 U6

https://www.bollesafety-usa.com/reference/40296
https://www.bollesafety-usa.com/uploads/tech/5a81d5cd92db9.pdf

Option 3: Bolle, model no 40100. Clear Sealed (non vented), Anti-fog, Anti-scratch OTG Goggles (戴眼鏡嘅人可考慮, 呢個平啲)

spec: Z87+ D3 D4 U6

https://www.bollesafety-usa.com/reference/40100
https://www.grainger.com/ec/pdf/20V825_1.pdf

其他選擇:
下面個 link shortlisted 咗好多 non-vented safety goggles
https://www.grainger.com/category/safety/eye-protection-and-accessories/protective-goggles?attrs=Eyewear+Venting%7CNon-Vented&filters=attrs

職業安全真係好重要, 特別係對眼, 希望大家揾到最啱你嘅護目鏡/防護式眼罩!

原文連結: 護目鏡選購指南, 詳細版. 假如上面有嘢唔清楚, 可能係節錄時 cut 咗, 睇原文應有解釋.
https://www.facebook.com/Dr.Incognito.HK/posts/696173014164770

更多其他職業安全防護裝備專業資料, 請見:
https://www.facebook.com/Dr.Incognito.HK/

自己 push 多次, 希望幫到裝修工

下面呢隻香港有現貨, 佢地出貨快, 可打去問問. 網頁話三日內俾到你.
https://www.facebook.com/Dr.Incognito.HK/photos/a.692361591212579/697861383995933/

我同佢地買嘢, 成日都係今日 order, 聽日出現, 最快試過 AM order, 下午收到.

下面呢個樣好衰, non-vented, anti-fog, polycarbonate lens, 但 1 日內有貨, 唔使等:
https://hken.rs-online.com/web/p/safety-goggles/4659331/

假如你認為上面個太樣衰, 睇到有啲貨係 1 日內, 但唔係 non-vented (sealed) version. 唔等得, 可試下買嚟加工. 用 silicone sealant 封了啲 vent (透氣口) .

有乜問題, 可再問. 請一定要買 polycarbonate lens, 防有嘢飛嚟打爆. acetate 做 lens 會好易爆開.

Best Regards,
Dr. I, Ph.D.

其他專業職業安全健康資料 (點揀 respirator, safety goggles, 自己入下面睇完明晒, 唔使再問人)
https://www.facebook.com/Dr.Incognito.HK/

Thx

第二隻香港有無得賣

推廣職安健

香港只有 vented version, 40295. 要加工, 自己用 silicone sealant 封了啲 vent.

佢係有貨嘅：
https://hken.rs-online.com/mobile/p/safety-goggles/1681709/

如果上面條 link 唔得, 去 Google 找 RS HK. 之後在 RS 用 1681709 嚟搵.


Best Regards,
Dr. I, Ph.D.

呢隻唔使加工, 保護功能一樣. 有貨. 買嘅 link 在底

https://www.facebook.com/Dr.Incognito.HK/photos/a.692361591212579/697861383995933/

感謝樓主！

rs online 個網死左

佢有時係咁, 睇聽日點, 應該唔會長死 (佢係國際網店). 聽日唔得, 就打去買, 可自己 pick up 或叫佢送貨

https://lihkg.com/thread/1375822/page/1

[728] 需要地方落腳嘅手足入黎!!

剛剛試過, 個網好返喇

推

推

推

推

仆你個街..買左個Indirect Vented
點算呀樓豬... 加工支野買又好似太大支用唔哂

hi bro
我見RS上面有個2890SA 請問同2890S有咩分別?
依家仲有貨 如果符合裝修規格就去買
https://hkcn.rs-online.com/web/p/safety-goggles/7722782/

推

佢用 acetate 造 lens, 不能買. 要買 polycarbonate 的造 lens.
做做吓嘢有嘢高速飛出嚟, acetate 擋唔到, polycarbonate 好可能得, PC 係 impact-resistant, acetate 唔係.

可以考慮下面呢個, spec 同 3M 2890S 一樣

https://hken.rs-online.com/web/p/safety-goggles/3956114/

Silicone 有啲好細支, 同牙膏差唔多. 廿蚊有找
買透明嘅好啲

推