南邊圍圍村居民分享元朗恐襲

Armiyas 2019-07-24 19:52:48

[務請廣傳][認真] (我識人住南邊圍)

有南邊圍村居民回應事件並表示擔心。請各位遊行人仕不忘初衷，不要被情緒凌駕。盡量以和平理性取得民心。

Gp 友留言:
各位兄弟姐妹, 本人是一名元朗南邊圍村的村民。家內有老少同住。

關於721的元朗襲擊事件，我想澄清南邊圍村原居民/村民和那班白衣人的關係。那班白衣人幾乎全部是外來的黑幫人物，並不是南邊圍村原居民或村民！

現在外界有一個錯誤印象，認為那班亂咁打人的白衣人同南邊圍村有直接關係，南邊圍村就像當晚那班白衣人的指揮中心。事實上，99%南邊圍村民, 在21/7或之前(包括我自己在內), 根本不知會有班這樣的人進入本村集結和有所行動, 更沒想到這班人竟然做出如此令人髮指的無差別襲擊市民行為！

目前最令村民擔心的是，在網上有影響力的多個討論區，準備在27/7發起遊行, 而終點為元朗西鐵站，鄰近的南邊圍村很有可能成為遊行後的被圍攻目標。村內住有不同年紀的村民，村民們都是無辜的，而討論區上很多留言，似乎對本村和村民充滿誤會，或會對本村做出一些帶攻擊性的行動，這令本村無辜村民們十分擔心和惶恐。

希望外界清楚以上澄清後，明白我們村民的憂慮，正是黑狗偷食，白狗當災，有心人闖的禍，由蒙在鼓裡的無心人埋單！本人從來在鷄蛋和高牆之間，必定站在弱勢和公義的鷄蛋這邊。天佑香港！

麻煩代為在你地的群組盡量幫手廣傳一下！謝謝！

補充：
第一、鄉事有黑底，但唔係所有鄉事都係黑社會；第二、大把非原居民住村屋，反而原居民有時會搬出去住；第三、無差別攻擊居民同當晚白衫人有乜分別？行動要講對象。(連登起左唔少白衫底)第四、黑底鄉事最緊張唔係祠堂，唔係政治，而係利益！利益最大係土地、丁屋、議席。

//727衝之前搞清楚咩野係南邊圍

元朗仔三十年出入南邊圍經驗同大家分享下

1. 南邊圍唔係淨係住圍頭人。好多有頭有勢人士早已搬晒出去住yoho住大屋，淨係大時大節(例如太公誕，或者星期日晚)先會黎聚集，而留低的當然有黑道人有尼泊爾人(佢地有幾兇狠可以留意返2012年南邊圍仇殺案)，但亦都有多基層原居民或非原居民(其實唔係原居民就一定有錢)，同埋好多貪呢度近西鐵而租呢度的無殼夫妻。冇錯呢度係龍蛇混雜的小城寨，但亦都係民居。

2. 南邊圍係圍村，但嚴格上佢亦係舊墟的南門。成個舊墟除左兩個圍之外亦都連住有兩個屋苑(尚豪庭及鈞樂新邨) 同兩間學校(鐘聲小學同耀道中學)，而耀道中學響假日亦都會開放做禮拜堂。

3. 舊墟一整條長盛街有名滿清一條街，內裡周邊有晉源押、同益棧、大王廟同玄關二帝廟，四個都係一級歷史建築，係元朗老街坊的集體回憶，例如晉源押據小弟所知就是有個八十歲的伯伯定期為之整理，視如珠寶。

4. 南邊圍之西邊有西邊圍，東有東頭圍英龍圍大圍村，元朗人合稱五和同氣連枝，北亦有屬十八鄉的林氏山貝村，有咩事群起而攻，大夥兒只能向南退，一旦大馬路人潮未散，東南角又係Yoho末期地盤，只能經水門頭天橋撤退，而落橋位的泰祥街水車館街一帶，係人煙極密集的社區。

以上都係想話俾大家聽，一旦要衝，你衝的唔係政府建築唔係商業區，係民居，甚至係學校教會。

一旦要衝，你攪到的可能是一磚一瓦不能碰，亦係老街坊的心血古跡。

一旦要衝，唔好彩被圍堵四面楚歌，好彩走得到都可能波及民居。

所以，真係要衝？

我知道要忍得住佢地的狂暴唔容易，但今舖真係唔可以再兄弟爬山。

幾多人行入元朗，就幾多人行返出去。//

薑蔥仔 2019-07-24 19:54:41

白衫係港九地區啲人入去幫手，唔係全部元朗

人住公屋我住公屋 2019-07-24 19:57:36