[727][勇武非有勇無謀] 外姓圍村人想講幾句

出面好多POST 講緊入村﹑引白衣人出黎打﹐甚至有tg group話要復仇入村打人﹐叫村外人醒水等等。

作為叫做係村長大﹐最近夢遊過幾次嘅人表示不反對係港島區﹑九龍區勇武﹐但有些少概念想同各位解釋下﹐希望大家明白係元朗進行所謂嘅勇武同之前係好大分別:

一. 圍村人不等於鄉黑﹑圍村不只有村民住

原居民唔代表一定同社團有打交道﹐而圍村入面我可以話半數人都係從外遷入﹐呢d人好多係租户。tg group有人話入村打人﹑復仇; 有人反駁指出呢個行為會傷及無辜﹐帶頭要入村嘅人就話[西鐵站果啲唔係無辜？呢啲叫復仇; 村外人唯有醒水]。

想問下可以點樣醒水?村入面不乏好似我呢種有份發夢嘅人﹐如果呢啲人嘅屋企人比人搞﹑比人打﹐佢地又會點諗？仲會唔會繼續支持之後嘅行動?到底所謂嘅醒水係可以點樣保全到無辜嘅人？721當晚已經有巴打開POST講過﹐警黑合作目的係增加市民之間對立面﹐從而造成分化﹐淡化成場運動。若果今次勇武傷害到元朗區一啲手足嘅屋企﹐不但令運動失去支持﹐更有機會手足之間加快分化﹐正中林鄭同鄉黑下懷。所以係勇武派行動前請諗清楚如何保全區內與鄉黑無關人士之安全。另外﹐正因村內無辜人數眾多﹐入村一舉針對性其實無想像中高。勇武派若想針對鄉黑﹐何不從佢地嘅區內生意下手? 元朗人表示唔介意你地爆多幾塊藥房玻璃。

二. 「人多佢地唔敢郁手」

有呢個諗法你實在太低估鄉黑嘅獸性。721西鐵站唔夠多人咩?唔夠多記者咩? 另外知己知彼﹐細個係村已見過有人拎槍打雀﹐都唔講開山刀果啲啦﹐連登仔一身迪卡儂行山杖浮水條點樣打？另外有人話引白衫出黎打﹐之後向天水圍/屯門方向跑。我比你跑得完條大馬路﹐到天水圍前首先經過屏山﹑塘坊村; 向屯門跑過左洪水橋就左面鐘屋村右面藍地未計後面仲有條廈村。逃生黎講比起港島九龍難一百倍。仲有未計白衫其實未必住晒係村入面。

請各位諗清楚今次元朗要點樣勇武﹐支持勇武並非有勇無謀。
另外727一定要出黎﹐將警黑合作劍指政府。多謝大家。

終於有人將我心底話講出黎
幫推! 唔好有無謂傷亡

班白衫唔出黎我地都奈佢唔何,真心留力打狗啦,呢班有牌爛仔又咪黑社會,36槍唔係唔駛報呀

727係反黑，打人傷及無辜只係同佢地做既野一樣

推

推

如果你有資料，就爆白衣人資料 針對翻佢地啦

push

推，唔想前線兄弟受無必要嘅傷

大力推
如果我地出手傷無辜既人 同黑社會有咩分別

所以要傷埋有份支持運動嘅人?
你要反黑﹐係因為佢地無人性無差別殺戮;
你同佢地做同一樣嘅野嘅時候﹐有咩理據說服到自已同佢地唔同?
有咩理據去反佢地?
仲有睇返第二點啦﹐我驚你地未到個村口就比人打死。
無目的咁去打無辜嘅人﹐傷唔到班鄉黑一條毛之餘﹐仲送支持者去死。

成日有人話幾萬甚至幾十萬人遊行，驚佢乜野，人地用開山刀，咁係咪要用血肉長城擋刀，遊行又會有老弱婦孺，到時點走，以上我都係其他post講過，無人認同。仲有就係村入面根本好少原居民住，租晒出去，自己住豪宅，陣間真係搞到租屋個d。有咩事走去天水圍/屯門，真係中間又無補給又多村，一家大細出黎行個d咁點走？唔可以叫外面手足入黎變做送人頭

外姓人=/=圍村人﹐住係果度唔代表係圍村人﹐唔好ON撚99咁得唔得呀?
人地721之後都無撚驚過啦﹐驚閪你咩﹐佢地有地有權根本唔撚怕坐監。坐返幾碌出黎照有錢。
善心提醒你地勇武可以針對性啲﹐避免送死咋。

唔好咁天真喇
到時又係綠色防暴企村口
有鳩機會打咩

支持

 推

不是人民對人民
警黑勾結 和理非遊行

推

真係....話燒村,話拆人地祠堂,祖憤

人地全心保護家園...保家既唔一定係鄉黑......護家心切,殺你地一兩件襤抄....令勇武兄弟損兵拆將,係咪好過癮???

兄弟唔怕死....但係有用之軀,唔應該死響果度.....

入村搞人地.....我問....如果一班黑社會,衝入你屋企.話要燒,話要拆....咁你會點? 正常都知,會班齊馬,同佢死過.....

唔係對準政權咩? 點解而家變左以民斗民???

其實唔單止我哋呢邊嘅勇武手足要有謀略，擇地而發，收放有道，切忌以氣用事，我哋更加要防備渾入大隊搞事嘅人，既然大家都知元朗警黑一家親，佢哋隨時都可以做大龍鳳，一邊黑警嚴密布防，表面係保護大隊，然後揾一百幾廿人中途發難制造混亂場面，嚇怕和理非和扶老攜幼的遊行人士，咁就可以續漸減低未來參加遊行人數，遊行無以為繼，咁政府就完全勝利。所以今次727元朗一役不能有失，勇武手足要做糾察為持秩序避免衝突。