首先，琴日我留意到有巴打已經為 『光復元朗』向警犬申請咗不反對通知書！（在此好感激呢位巴打為我地是次行動出一分力！）
入正題，關於光復行動既路線，暫定既版本係：由水邊村遊樂場出發，途經一整條大馬路，終點為元朗西鐵站。（即是下圖既紅色路線）問題黎喇，相信咁多位都知元朗大馬路係有一條輕鐵路軌，我相信警犬好大機會會唔批是次不反對通知書！點解？因為輕鐵一停都會對屯元天造成嚴重既交通影響，批既話就肯定係大伏！！
同埋，大馬路雖然好似好安全，但係其實兩邊都係有黑社會睇住既地頭黎，如果佢地要搞起事上黎，我地就兩面受敵，喺中間比佢地搞，情況就會好混亂！
而小弟就覺得上圖既藍色路線比較可行（遊行黎講），原因：逃走方面近西鐵站，要走都走得快啲！同埋元朗站集會真係唔可行，位置太少同狹窄！元朗根本冇咩位係可以集到會，所以真係唔好諗集會！
最後，學劉細良話齋，入就一定要入！但路線同行動上要再諗諗！！同埋同埋，時間上一定要６：００左右完成所有目標然後散，唔可以入夜逗留，到時後果不堪設想！
請各位元朗巴絲集思廣益！感激！另外幫幫手推其他關於上環既post
，講元朗行動之餘，7.21上環發生既野不能忘記！唔該哂
