CharonIV
2019-07-23 16:06:54
[轉載先wtsapp] 真係認真諗諗
光復元朗唔應該亂做
以下係原因:
政府行錯棋,原本想利用白衫黑幫製造「黑白大戰」畫面,令示威聲音被模糊,將示威者拉到白衫兇徒嘅層次。點知21日元朗冇乜示威者,反而變成無差別恐怖襲擊。呢幾日五毛建制瘋狂洗板,目的就係想將輿論變返做兩邊人馬互相挑釁。
普通市民受驚嚇,兩日嚟市面肅條,商鋪做唔到生意人心惶惶,港共政權管治威信同黑警形象越跌越低,呢一個壓力係港共此刻最頭痕嘅,因為等同做到罷工罷課嘅效果。
所以,呢一刻大家越和平越冇新衝突,建制就冇辦法帶走方向,為選票民建聯一定會同何君堯割蓆。集中聲討恐怖襲擊,佢哋就唔敢正面反駁,上環嘅開槍慘劇亦可以同時迫政府回應。
接住落嚟嘅行動,絕對唔可以模糊焦點,聲討元朗警黑勾結、上環過度武力亂開槍,更唔好忘記五大訴求!入元朗就等如同班圍頭佬泥漿摔角,武力衝突唔係示威者強項,假如現場情緒失控,政府最想要嘅「黑白大戰」畫面就會出現。
你越冷落元朗班生蕃,繼續各區行動聲討,警察就冇辦法集中人手製造警黑混亂或者防暴大陣,我哋要持續施加壓力,迫使對家再次行錯棋。
冇人叫你忘記,但對付敵人一定要用自己最擅長嘅武器,文宣、帶藍絲方向、各區分散行動、將政警醜惡一面送出全世界、起班仆街底等等,千祈唔好情緒主導,俾五毛政府有機可乘。
遍地開花,真真正正be water,將政黑警黑恐怖氣氛話俾全世界聽。共產黨唔怕你郁手打人,最怕你淡定冷靜,顯示出民主社會公民質素。
光復元朗唔應該亂做,光復元朗唔應該亂做,光復元朗唔應該亂做。
PS:地理位置嚟講,元朗一條大馬路封死前後就冇路走,一入小路就會入村,好撚危險。