唔想俾啲入咗一大嘅朋友喺你面前係咁講「打Malayan，打Malayan」而又唔知佢哋講咩時尷尬就要入嚟睇下。
Malayan Cup－馬來人杯，係一大舍堂之間每年體育聯賽舍堂總分第一嘅頒俾舍堂嘅獎。一大舍堂其中一樣緊要嘅嘢就係打計入Malayan Cup 嘅舍際比賽－打Malayan。計入Malayan Cup 嘅體育項目有田徑游水，籃球，足球，網球，等等等等。
但係，一大就緊係所有嘢都領先全宇宙啦，以下會介紹三種一大先有嘅Malayan 運動。呢三種運動一大人統稱為New Balls。
第一種係棍網球, Lacrosse （讀：laaa-cross）
棍網球嘅玩法係喺一個足球場Size 嘅球場上面，喺球場兩條短邊各有一個龍門同守門員。球場上兩隊對戰，所有球員會攻對方務求要將一個網球Size 扭扭機抽嗰啲彈彈波質地嘅波打入去對方嘅龍門入面。咁棍網呢兩個字又點解呢？每一個球員都會揸住一碌棍，棍唔係手揸嗰一邊有一個弧形嘅網袋。所有掂到個波嘅動作都要用呢個網完成，個波喺地下你可以網向地下撈起個波，要傳波就發支棍將網內嘅波拋出去。支棍通常係輕金屬。
咦？咁一個球員用網袋實個波對方咪永世都攞唔到囉？重點來了，棍網球係一種衝擊運動，即係佢係容許人體衝撞嘅運動就好似欖球同美式足球。你可以撞對方個人落地，可以用支棍扑你嘅對手嘅身體同佢手上揸住嗰支棍等佢個波跌出嚟。
正因為棍網球係一個衝擊運動，佢嘅球員保護裝備好充足。裝備有頭盔，有肩甲，有護手，有護胸甲同手套。
下面兩張圖俾你睇到個波點係個網袋裡面，而身邊嘅對手點樣想「降（投降個降）」佢同「扑」佢。
/cdn.vox-cdn.com/uploads/chorus_image/image/63788042/10183745.0.jpg)
嘩！你睇下幾暴力！一支棍叉出嚟打到成個人飛低！
第二種係曲棍球, Hockey （讀：殼-keee）
一大嘅曲棍球係草地曲棍球，洋文係Field Hockey。曾經聽過一個洋人講"Field Hockey is not real Hockey"，因為另一種曲棍球係冰上曲棍球，洋文係Ice Hockey 喺速度同玩法上係刺激好多嘅（下面會提一提）。
曲棍球又係有碌棍，而球棍嘅末端有一面有小小彎，用嚟接觸個波。支棍一係木造，一係就實淨嘅金屬造，所以唔好唔好唔好發到人！！！同棍網球一樣啦，一個足球場Size 嘅球場，兩邊短邊各有一個龍門同守門員。兩隊對戰要攻入對方嘅龍。
個波一定要提，又係一個網球咁大嘅波，實心實心實心！很重要所以要說三次！打中人好痛所以會有護小腿嘅防護。而且球例唔俾打個波高於呢個水平，唔係就犯規。
曲棍球有三種動作，一係Drag，二係Shot，三係Flick。
1. Drag 係一個拉波嘅動作，你會將個波放係身側較近同較後位置，身體座低，棍先放喺波嘅後面然後向前拉個波出去。
2. Shot 係一個定點傳遠波或者射波嘅動作，波會放喺身側較遠嘅位置，人嘅身體座低，球棍水平貼地置喺身後然後用全腰嘅力弧形發去個波到撞個波出去。
3. Flick 係一個定點用又得，郁緊時用又得嘅動作。簡單講，打高爾夫－Golf 咁樣球棍垂直掂著個波度定位，打時球棍拉向身後用手臂力量打落個波到。個波通常會彈起向上！好危險！因為草地曲棍球無上身防護個波又係實心所以好危險！所以千祈千祈千祈唔好對人射！！！
提一提Ice Hockey，因為佢係喺冰面玩唔係咁易煞掣，所以Ice Hockey又係一種衝擊運動，防護非常充足。因為無論個對手撞落嚟或者個金屬冰餅打落你到都好大鑊。香港一大都無溜冰場，所以無得玩，要玩可以去MegaBox 有一間冰上曲棍球學校。
第三種係壘球, Softball （讀：xyz）Softball 都唔識讀要我拼，你唔係毅進仔呀？
對唔住，無太多接觸。知道應該玩法同棒球差唔多。淨係知佢知支球棍又係金屬打到人會好痛。
祝各位新一大嘅新生，個個有孫中山先生咁有成就！下醫醫病，中醫醫人，上醫醫國！
