記者不吃牛，坐在這位牛腩專家面前，早有心理準備會被教訓一頓，「牛爽腩咪係牛坑腩一部份囉，就係咁簡單，有幾複雜？即係有乜分別？我唔識有乜分別喎！」建議各位幫襯前先做足功課。
某知名女食家上電視不點名批評九記，潘老闆也不點名開火還擊：「𠵱家香港咁多所謂食家，淨係識嗶哩巴啦，邊個唔講喇，出唔出名？我覺得佢冇乜料到囉，咁你都估唔到？嗶哩巴啦嗰個呀！」
也有食客投訴牛腩太韌，不好吃，潘老闆也有話說：「你唔啱食，你咪下次唔好嚟囉，我唔係揸住支槍指你入嚟，我鍾意食魚翅，你鍾意食燕窩，我吹得你脹咩？」
聲大大、寸寸貢，也許是食客對潘權輝的印象，「𠵱家收咗火㗎喇，畀着舊時，打咗先算啦，我啲客唔打得呀？你唔幫襯我會死呀？」毆打客人？「𠵱家唔會喇，唔啱食呀？唔做你生意。以前呢，媽完佢先趕佢走囉，梗係收錢啦，唔收錢你老豆開呀？」
