睇到成堆市民、記者喺元朗俾黑社會圍毆，警察扮失踪，我已經嬲到唔識形容
我夠膽講政府一定會全力同元朗黑社會割席，扮唔關政府事！
如果聽日香港人成功俾政府轉移視線，將輿論焦點由政府轉移至黑社會身上，我地就一定玩完！
但係同時間，依條數一定要班黑社會還。
所以大家一定要不斷強調「警黑一家，警黑合作」，將佢地一網打盡
下面幾點大家一定要反覆強調，迫政府埋牆角，無得割席。
政府必須逐一回答：
1. 晚上9點幾，元朗已經有黑社會手拎武器聚集。點解政府要用兩個鐘先調派到十幾個警察到場？
2. 我知你一定會話大部分警力調配咗去港島，所以反應唔切。
咁既話，到底香港有幾大，警隊有幾無能，先做得到要用兩個鐘由30,000名警察入面調動20名以下警察到場？
3. 依兩個鐘入面，點解元朗警署遇到市民親身報案，可以落閘，而唔係處理案件？
4. 點解黑社會闖入港鐵站內、月台，以至車廂暴打市民30分鐘期間，報案中心可以cut市民線？
5. 點解警察到場之後，唔係全力緝捕黑社會，而係以武力、言語恐嚇受傷、受驚市民？
6. 仲有，政府身為最大股東既港鐵公司，全程到底去咗邊？
7. 到底而家係唔係由黑社會控制警隊？政府必須答！
依個已經唔係黃藍之別既問題，係人性問題。
拜託文宣全速製圖，集中火力攻「警黑一家，警黑合作」輿論戰！唔可以俾政府同黑社會割席！
返唔到屋企嘅手足入黎!! 有地方落腳!!
