跟住講下規則。先講有效部位，花劍，只有軀幹，姐係頭手腳都唔計，佩劍，軀幹加雙手同埋頭，重劍，全身由頭到腳趾都係。花佩劍有個特別既rule叫做right of way, 進攻優先權，令選手必須係搶得進攻優先權底下撃中有效部位而得分。姐係話雙方同時撃中對方有效部位，有right of way者得一分，冇既就無分。所以係花佩劍係唔會有任何一個moment雙方同時加一分，而係重劍就有咁既機會，因為right of way呢個rule係不適用於重劍。咁right of way幾時有呢，就係睇你幾時起動啦，referee係叫en garde prat allaz(法文嚟）之後只要你快過你既對手向前郁就代表你有進攻優先權，但你一向後縮就代表你放棄呢個right, 另一方面你揮劍刺向或劈向對手如果miss咗或者成功被防守既話都係當right轉移咗俾對方。所以你如果初學劍撃既話聽得你既教練鬧得最多既，一定就係「防守之後做乜野呀，第一時間還撃吖嘛」，因為個right已經係你度，就算雙方同一時間撃中有效部位都係你贏。無right of way係手，又拎唔拎到分呢？答案係可以既，我地叫搶單燈，無right係手就只可以靠搶單燈去拎分，姐係話對方刺唔中你有效或無效部位底下只有你一個刺中對方有效部位，係落後緊既情況下好少會咁搏
而劍撃仲有一個特別既rule, 就係一分鐘突然死亡，比賽去到最後雙方同分既話就會隨即進入sudden death section, 即係加時一分鐘，首先有效得分者獲勝。為咗防止雙方hea過呢一分鐘，referee係開始前會隨機將進攻優先權俾其中一個人，令到另一個必須有所行動去搶攻，因為一分鐘過後，如果雙方無人得呢一分，就會係有進攻權果位獲勝，詳情可以睇下以下片般，2012年london olympic女子重劍個人賽德國vs南韓：https://youtu.be/f1nsnMVEuS0
以上可能亂咗啲，1999咗啲同基本咗啲，想知多啲既我返到屋企整理一下再講
