星期日晚沙田被捕人士獨白

其實我心知肚明唔應該講咁多，
因為講得愈多愈大機會自爆，我亦唔知道咁做有冇法律後果。
呢啲都係後話，如果我連表達自己感受咁基本嘅自由都冇，
同坐監又有咩分別。
去到今時今日，有幾多鬼，連登安唔安全冇人知。
都係拜港共政權所賜，搞到人心惶惶，
人與人之間嘅基本信任都冇撚埋，
陌生人、師生、朋友、家人，個個都要互相猜疑。

不過有啲野呢幾日映入眼簾，藏於心裡，
實在不吐不快。

憶述當日被捕過程，
新城市廣場同大會堂中間嘅播映會位置，
應該係屬於不反對通知書嘅區域。
當時嗰度聚集嘅參與者都只係有秩序咁坐喺度，
最多整吓連儂牆。

但接近十點嘅時候，
我親眼睇住防暴警察向前推進——
由馬路推到入廣場範圍、再推到入不反對區邊緣、
最後推到入去清場。

而我好肯定，當時未過十一點，不反對通知書未失效。

嗰啲警察清場嘅時候就如同着魔一般向我嘅方向衝前，
我同身邊嘅人唯有向最就腳嘅地方撤退。
跑左大概十幾二十米，正當我以為冇事可以鬆一口氣嘅時候，
前面嘅人已經大叫前路都有差佬！
喺我未反應得切應該點逃走之際，
已經被警察兩邊夾攻。

然後佢地開始大叫「全部企埋牆唔准郁」，
（我已經記唔清係「無」抑或「無數」嘅粗口夾雜其中）
我深知道現場可以救我地嘅只有一種人，
我大叫「記者！記者！」，
幾秒鐘內已經有多過一個警察叫我收聲。

其中有一個，用強勁版胡椒噴劑對住我個頭，怒斥道
「你係咪控制唔到自己！係咪想逃走！」
「唔係！」
「唔係你就收聲唔好嘈！」

我見記者到咗，就聽警察講坐低等候，
等候佢地安排載具接走我地。

上咗架旅遊巴之後，有位警察逐位問我地咩名。
我答咗佢，佢聽唔清就再對答多次，呢度係冇任何衝突。
但坐另一邊一個年長啲嘅，就覺得我係專登玩野，
走過黎開我個位嘅冷氣，並令冷氣直接吹住我身體。
點解我會知道佢咁諗？因為幾分鐘後前排座位嘅警察同被捕者發生咗小衝突，
幾個警察即刻粗口問候佢。
之後嗰個老警察就講咗句「好熱好焗呀，前面開埋冷氣啦！」
（當時我雙手被塑帶鎖住，冇得自己熄冷氣）

司馬昭之心，路人皆知。

之後去到差館，到到我被釋放中途都發生咗唔少事。
包括有人被警察近距離用強光電筒直接照射眼睛、
有人因為望住警察而被佢地兇「你睥乜撚野呀」「認撚住你而家個樣呀」「就的你上去先」（事後據聞呢位手足被警察毒打、仲要警察自殘製造傷口之後屈佢襲警）、
有人因為回應警察嘅提問比佢煎咗一巴、
有人被警察扮fd傾計套口風但答佢「我冇野講」之後馬上被粗口問候同埋辱罵⋯⋯不勝枚舉！


最後我係被羈留將近48個鐘之後先獲釋，
基於自己情況我係絕對相信佢地係刻意玩程序拖時間。

講到呢度，我相信問候人老母當食生菜嘅連登仔會覺得係我太過傅穎，聽句粗口都會打冷震。
不過我想喺度講嘅唔止係呢啲大家耳熟能詳嘅違規行為，
反而我更加想表達吓內心嘅不安、恐懼、同埋憤怒。

我一直都自問算高eq，亦捱得吓壓力。
但係頭先我發咗個夢，夢見嗰啲着住黑色背心嘅「黑警」屈我襲警，
我拼命想用手機錄影但唔知點解錄唔到；
夢見黑警同我隔住塊玻璃窗對住個女人拳打腳踢，我隨手拎起將櫈想打爛隻窗，但係被身後兩個軍裝警察喝止——而佢地對黑警嘅越權私刑視若無睹。

醒番之後我連呼吸都喺度抽搐，心入面喺度諗：
所謂警察真係好黑暗。
明明由細到大所有人、電視劇都係教我警察叔叔除暴安良，
點解今時今日佢地喺現實係除良安暴？

你可以覺得示威者追求嘅野唔岩你唔認同，
但係由幾時開始警察同黑社會嘅界線變得咁模糊？
對於我黎講呢啲黑警所做嘅事就正正係我對黑社會爛仔嘅理解。

想保護自己，佢屈你唔合作，
打完你再告你襲警都仲得；

想保護其他人，佢話你阻佢做野，
打完你再告你襲警again

眼見當世竟然仲有人可以支持呢種黑警，
我真係唔能夠理解。
得罪講句，於我而言其實佢地不配稱為人，
因為佢地根本冇人性。

要點樣先可以守住心入面嘅正義？
我睇唔到有希望。
夢入面嗰種嬲嗰種無助嗰種不安同恐懼真係好真實好深刻，
我真心明白點解佢地會咁絕望。


anyway
我打呢篇野唔係想散播失敗主義。
如果你覺得tldr，
留意下面紅字就夠了：

我唔知道應該點樣做先可以贏，
不過趁我地們可以開口嘅時候，
請大家一定要繼續出聲。
我地場仗岩岩先開始，
攰嘅即管抖下先，
準備好再上路，兄弟爬山總會等埋你。
萬事小心。

你冇野講

你不孤單

哦，原來係你行過街聽返嚟嘅事

[緊急呼籲]今晚9點一齊上twitter將黑警濫權揚威國際，警告遊客不要來港旅遊，用經濟壓力逼使政府回應！！

https://lihkg.com/thread/1325723/page/1
全面攬炒

9點一齊一野谷上trending
#Hongkongwarning #Fthepopo

Twitter見！！！

推

冇一隻狗係無辜
仲有些少人性嘅721主動投誠 唔係我地唔會再留情
我地打唔贏你 但我地打得贏你屋企人 香蕉糖就係最好嘅例子 唔想全家比人起晒岀嚟 就主動篤灰救全家
我地見到嘅黑狗惡行只係冰山一角 除咗前線之後 係狗屋嗰啲都唔得係咩好人 上下差唔多三萬隻都要清算

推

照睇都係，樓主你加番轉述啦

辛苦你了 好好休息下

加油
撐住

721港島見 我無嘢講 我要見律師 我要去醫院驗傷 我唔會解鎖電話 我唔會簽任何文件

咁和理非既樓主依家明白要點做未？

手足頂著

想問下你話食嘢佢俾啲乜嘢你食

48個鐘你瞓咗幾多個鐘？

推

辛苦你地

辛苦你啦

年青人加油， 我哋支持你

點解唔嗌要去醫院？

加油

心知入到去一定唔好受

有覺悟入去都一定唔輕易過
頂住呀

辛苦晒