[值得參考] 觀察與睇法 From百彈齋主

以下文章來自百彈齋主，小妹睇完覺得幾有道理

講一啲觀察同睇法，或者有唔啱聽嘅嘢，但大家參考下，或者當係狗頭軍師吹下水。

#包圍殲滅

如果網傳個會係真，其實好多嘢唔難推論，例如點解對家要進行近三次都嘗試包圍殲滅戰術，除左要推高士氣，我相信對家目標係我地嘅「前線手足」，佢地想殲滅呢班手足，直接擊潰前線，打擊民眾士氣，令大家唔再示威，或做成內部溫和派，向勇武提出停止對抗，做成內部矛盾。

類似古代戰爭，擊敗先鋒精英就會出現連鎖反應，令後排士兵潰敗，但個日點解做唔到？

一：當日捉嘅大部份唔係前線。
二：入到新城市，警方發現根本分唔到市民同目標。
三：分唔到目標，發揮唔到武力，反而變左進退維谷一方。

但未來金鐘、將軍澳、西環，我相信警方會再進化，目標更清晰，所以點解希望引入「顏料彈」，就係為左更易捕捉目標人物，而佢地只要環境適合，就一定用612遠攻打散防線，速龍圍捉落單，但係目標由驅趕，變成全方位包圍殲滅咁做，拉得幾多得幾多，傷得幾多得幾多。

#戰術轉變

其實我明白，有啲手足唔甘心，次次好似俾人打走，所以會留最尾，但係由七一開始，其實我哋同政府嘅抗爭模式，已經改變左，由「決一死戰」變「長期抗戰」，抗爭地區化，長期化係已經迫到政府唔敢做咁多公眾活動，甚至覺得公開活動會出事(如書展)，而令佢哋無法有效管治，只可以靠警力應對。

我唔知有幾多手足理解到呢點，但警方班人已經明白，抗爭地區化，長期化對佢哋都不利，因為手足去幾多武力都係冷兵器，而佢地始終用乜武力，都容易受責難，所以喺旺角就已經將目的由 #威嚇驅趕 轉用 #包圍殲滅 ，全力打擊最前線手足，務求令個種恐懼同無力，種植係前線手足心入面，如果你俾包圍過，你會明個種感受。

亦係點解警務處上下，對手足有幾重手得幾重手，又要求律政司要用更快起訴，更重刑罰，佢哋要令手足，有幾耐返唔出黎，有幾驚得幾驚，不停削弱前線嘅人手同士氣。

#如水流動

當我地大概知對家諗乜，點解會改變戰術，甚至大概點改嘅時候，我地就諗應對，我唔會講邊個方法一定得，因為因勢而變，因地而改。

但有一點要理解，水要流動先有效，被圍堵就會變成死水，旺角一役點解大家死命要衝擊山東街街口防線？上水一戰點解以火車站為重心？沙田衝擊點解守住火車唔俾走？其實大家都知，為左逃生。

旺角四通八達，但上水，沙田，黎緊將軍澳，西環都係一停地面交通，就得返港鐵俾大量民眾離開，所以大家都會不自覺將最後路線押係鐵路，但問題係如果再發生封站或飛站呢？前線要考慮相關情況，拿揑進退時機，太早會有自己人覺得好似怕左對家，太遲撤退路線會嚴重收縮。

所以我成日講，唔好進退維谷就係咁解，有人頂唔住啖氣要留守，有人怕留守嘅手足孤軍作而唔撤，有人覺得要留到最尾俾人走晒先安心，大家雖然係個體，但去到前線係一個整體，一個人嘅決定就可以影響整體，所以點解有時成日出現走與唔走局面，呢個係場外嘅大家要明白，亦係點解唔好再係TG頻道洗「走啦」「be water」，佢哋無乜時間睇，亦無餘力應答。

場外手足同哨兵，最大作用係將路線同求助資料簡化，俾場內手足一眼知乜事。

總之要確保到可以流動，可進可退，有最後退路，先唔會再中包圍殲滅。

#堅持下去

其實無太多人諗到，局勢會變咁高強度，同持續咁耐嘅抗爭，所以建制想用禁止集會同遊行自由，有人放風分區戒嚴，目的就係打斷一切行動，迫大家氣餒同無力，但佢地無諗過，如果一禁止嘅話，無遊行無集會，大家其實會更集中，當某人出現公眾場合，大家就自然會瘋狂了解佢，同對家講聲，到時風險更大同更不可預測。

唔同雨革，魚革，今次嘅源頭係一大班民眾自發，有機會就聚集，無得透過拉一班領袖就解決問題，或令一啲象徵性嘅嘢消失，而令大家放棄，就算無左連登，網絡之大，仲有好多地方重生，所以佢哋依家就係用包圍殲滅打擊大眾精神，利用重擊前線，去嘗試令行動衰竭，所以各位前線手足要小心，亦要明白只要大家仲肯示威，而政府解決唔到五大訴求，件事就會沒完沒了，係睇邊方面先頂唔到。

所以必先要養好身子，恢復好，準備充足先出黎無問題，最重要大家要知道，依家係發揮遊擊精神，長期抗戰落去，不受傷不被捕，並唔係為留力下次，而係為左長期保持戰力，軍事啲咁講，我地目標並唔係放係一次戰鬥成功，而係一場戰爭成功。

各位手足，頂住。

https://m.facebook.com/story.php?story_fbid=2408456812700758&id=1625821230964324

推

推

知道好多巴打絲打21號都想升級，但小妹都認同齋主所講，而家係一場長期戰爭 所以我地會唔會可以唸下走佬嘅策略？同埋要盡量減少手足被捕

push

Be water, 唔打硬仗

721金鐘見

我地目標並唔係放係一次戰鬥成功，而係一場戰爭成功。

同意

打
我地奉陪到底

721金鐘見

推，特別要拉到最前線嘅兄弟姊妹走，不被捕不受傷

沙田既教訓
就係前後線溝通手足真係要跑多幾個來回

推推推

push

721金鐘見

都岩
水，一被圍堵就會變死水
有一個缺口，都可以變洪水

我覺得呢個最臭既野

我覺得呢個最臭既野，係Wasabi撈豉油，有糖既話仲會痴立立。
係我做飲食業果陣，對袖有Wasabi撈豉油，真係臭到日日都心理不平衡。

係
根本最前、最有組織力既既都係嗰一萬人
佢一鑊拉幾百個已經有震懾作用

所以有三毛同云伯系打手不斷叫人去西環

《畀料》點睇咁耐都無團體發起遊行去中聯辦
https://lih.kg/1323943
- 分享自 LIHKG 討論區