台灣屬於中國？

如題。

https://www.facebook.com/geevideo/videos/1309921532512256/

小妹歷史差 但都想了解下台灣夠竟係中國嘅定真係一個獨立嘅國家？
想知點解有時某新聞又會見到「中國台灣」？
但人地台灣又可以自己選總統 可以有一套自己嘅司法制度
但點解仲有咁多人話台灣係中國嘅一部分？

國共內戰，國民黨輸俾共產黨敗走台灣，台灣本來都係由中華民國繼承清朝既領土，只不過輸左內戰，人地係輸剩台灣，你話係自己既既合理咩

首先要定義咩係「中國」，本身「中國」二字已經好多種解釋。

至於啲人話「中國」有幾千年文化，都係拜錢穆呢條撚樣所賜

一個係中華民國 一個係中華人民共和國

其實係兩個國家，而國際上中華民國係無咩地位，無咩國家承認，因為全世界都對13億市場好有興趣，所以好奶共，而奶共嘅其中一個要求就係只可以承認一個中國，所以就會有人講中國係台灣嘅

主要原因就係奶共

如題。



https://www.facebook.com/geevideo/videos/1309921532512256/

小妹歷史差 但都想了解下台灣夠竟係中國嘅定真係一個獨立嘅國家？
想知點解有時某新聞又會見到「中國台灣」？
但人地台灣又可以自己選總統 可以有一套自己嘅司法制度
但點解仲有咁多人話台灣係中國嘅一部分？

一個地方有自己嘅國防同外交，已經可以講係獨立國家

同埋台灣選總統唔洗共產黨批准，香港選特首要；台灣有自己司法制度，流通貨幣又同大陸唔同，所以台灣唔係所謂中國嘅一部分

不過中共軍力比台灣強，所以台灣抬唔起頭住

小妹歷史差 但都想了解下台灣夠竟係中國嘅定真係一個獨立嘅國家？
先略略了解下歷史
台灣南宋前由本土土著各自統治，南宋時開始屯兵澎湖管理台灣，由元朝開始設立官職延續到明朝又被荷蘭佔領後又繼續被明鄭，清，日統治
而實質管理台灣全島只有日本(之前既統治我估係沿岸據點或者幾個重要城市，冇對全島有絕對統治，早幾年有套 賽得克巴萊，近代日軍用槍飛機大炮都要付出幾千人代價先將佢地收服)
主權問題好複雜
如果以繼承權問題，以滿清曾統治台灣為例，繼承滿清既係中華民國，咁理論上台灣自然屬於中華民國(而且實際上等同獨立)，不過兩者都係由中國分出黎。大陸宣示台灣係其領土一部份，台灣一樣可以宣示大陸係佢領土，不過大陸強台灣弱情況下，大家承認係大家一部份，蝕底既係台灣

想知點解有時某新聞又會見到「中國台灣」？
矮化台灣，強調台灣屬於大陸，而唔係同大陸同一地位既獨立國家
不過國際上有一個中國原則就係大陸，台灣唔會叫中國

但人地台灣又可以自己選總統 可以有一套自己嘅司法制度
大陸行一黨專政，台灣行民主(當年國民黨仲未敗走台灣管治方式同依家大陸冇咩分別，由蔣經國後開始走民主)
司法制度大同小異，最大分別係大陸共產黨口講法治實際凌駕司法

但點解仲有咁多人話台灣係中國嘅一部分？
成長於中國同接受中國教育既人一定有呢幾種思想
大統一思想
曾經佔領既土地必然永久屬於中國
台灣人漢族血統
漢族文化


以上個人觀點，希望有巴打出來分享