經過沙田、旺角一役，你覺得班狗封埋中環等你班人冇得走係冇可能架咩？
第二，金鐘環境空擴、冇居民，班狗大條道理放tear gas，再過份啲，呢啲位出架水炮車、閃光彈即刻收你皮，完全冇得入商場避、冇居民幫大家掩護。
相反，上次沙田就係勝在有商場，近民居，班狗冇得咁猖狂，不能放彈，更遑論什麼水炮車閃光彈。
第三，好撚難買物資呀，商業地區邊撚到嚟五金鋪呀，想食個飯休息下都要排勁耐隊
點解經過咁多次，大家都咁中意金鐘，甚至係港島？究竟大家對金鐘有乜野情意結
？你地話金鐘意義大，大係邊？佢係立法會？咪傻啦，你要抵抗霸權，真正既意義唔係建於地點，而係大家既行動。
點解唔可以諗下九龍？對大家更有利既位置？
呢一刻大家冇得再輸，好多野唔係再focus喺個象徵意義上，而係要考慮到佢既實際意義，已經好多手足比人拉左、受傷，我唔想21號之後再有更多受傷既人。
利伸 只係討論 無意參與任何活動
