都請某啲人拍宣傳片同出去既時候，唔好再著到打war game咁
以下我解釋點解:
1.只係玩具
唔好再比人利用黎做賺錢工具，我見過有啲賣war game野既店做宣傳叫人去買"更好既裝備，裝備自己"
大佬呀，個個只係玩具only，只有5mm厚度，內膽又冇吸震功能，比啲怪一打就會破防
地盤/單車頭效果一定比war game頭盔好幾十倍
2.唔係真既頭盔就一定有用
唔係所有軍用既頭盔都有防撞既功能，大多數只係用黎防破片，阻擋細小/尖銳既物體，並將佢彈開
並唔係用黎擋撞擊/鈍物攻擊，因為內膽唔似單車頭盔個種可以防撞吸震，所以你中左你就會腦震盪暈低
要有防撞吸震功能，唔該你去買真既防暴頭盔或者OPS Core，呢一類真係有防撞吸震功能既頭盔
3.war game風鏡係冇撚用架
war game玩具風鏡透氣、唔防彈、易起霧，你帶黎做咩撚野????
市面上好多聲稱防彈既風鏡/眼鏡、都只係用黎擋用黎打雀既bird shot，連9mm都擋唔到，布袋彈打中，一樣穿，到時連碎片入你眼
4.吸仇恨
你係黎呢度扮型想上鏡定係點?你著到咁，係我都打你先啦!
當你身邊個個地盤頭盔既時候，得你一個著到標怪立異咁，唔打你先打邊個先????
就好似你平時打機咁，你會集火打特別怪先，定係打兵仔先?
唯一值得買既，只係vest，同放入vest既軟墊
vest款愈低調愈好，但軟墊防禦力期望唔好太高，因為佢唔厚，仲軟過軟墊地毯
原因我再重申一次: 因為佢只係一樣用黎打war game既玩具
