香港人應該要有更多嘅認識
-------------------------------------------------------------------
1. 地理及交通
尖沙咀喺九龍半島嘅最南面
能夠出入嘅大路只有三條:
自由行集中地 廣東道
九龍半島中軸線 彌敦道
博物館集中地 梳士巴利道+漆咸道南
鐵路方面 有尖沙咀站同尖東站
腳力好少少嘅可以上返附近佐敦站或者柯士甸站
甚至 你可以經尖東行紅磡站/隧道口
有大量九巴由天星碼頭一帶出發去九龍半島唔同地方
而且大部分都途經上面三條大路
同上 如果你去到隧道口就更加多巴士通去全港九新界
海路 有天星碼頭分別去中環同灣仔
去到紅磡碼頭又可以搭去北角 去新光睇大戲
(但係要留意 紅磡尾班船係8點前)
---------------------------------------------------------------
2. 附近設施
尖沙咀最多係乜嘢? 遊客同商場
而且唔止廣東道
係三條大路都有
沿路啲商場多都我都數唔晒
廣東道有 海港城+新港中心+力寶太陽
彌敦道有 iSquare 美麗華 SOGO TheOne
漆咸道有 新文華 東海 港晶
同時又要睇埋有咩警署喎
萬一有咩事可以搵人求助呀嘛
眾所周知就聖安德烈堂對面 清真寺隔籬嘅 尖沙咀警署
再宏觀啲呢?
有太子站旁邊嘅 旺角警署
有西九海皮嘅 新油麻地警署
有九龍城法院附近嘅 九龍城警署(兼CCTVB最愛嘅 西九龍總區總部)
有愛民邨對開嘅 紅磡警署(兼 九龍城警區總部)
所以 大家可以放心 support可以極速到達現場協助你
----------------------------------------------------------------
3. 路線
尖沙咀其實有條隧道打通尖沙咀站同尖東站
唔使下下出返彌敦道搵車搭
東至尖東海傍 西至力寶太陽
而力寶太陽就喺新港中心旁邊
新港中心有橋直入海港城 你話幾方便
自認身體好 想再行多幾步?
無問題!
星光大道一路連住尖東海傍 再上橋
就可以去到紅磡碼頭巴士站同黃埔花園
忽然落雨點樣算?
只要到咗尖東海傍 去到新文華有電梯上橋連接紅磡站同理工大學
再可以延伸入去黃埔花園
有瓦遮頭仲驚佢落狗屎?
想行公園都行架
咁大個九龍公園直通佐敦
行嗰陣仲可以睇埋鳥語花香 幾好吖
想行下特色嘢又可以啫
金馬倫道 加拿芬道一帶有好多細舖仔
食肆又多 咩菜式都有
酒吧又多 夜晚同三五知己飲返杯 咪話唔爽