今日藍絲老豆問我係咪想香港撤底俾大陸收返先滿意。再補充話大陸俾我地一國兩制50年，香港而家咩都咁好班人又衝擊又破壞經濟，有冇諗過大陸如果真係正式接管（無錯我老豆用接管），你地班人有咩反應？
我自問知佢冇撚得救，平時唔會係屋企講任何政治野嘗試改變兩老政見。我答佢一句，我會好開心，因為你地班上晒島上左年紀既人覺得2047年同你地冇關，如果經過今次我地真係輸左，大陸直接接管香港，我第一件事就係繼續努力儲錢，同女友移民，你兩個咁鍾意大陸咪慢慢留係度好好生活。講完我老豆無聲出
其實我知香港有好多我老豆呢類唔負責任既藍絲，佢地屌示威者好大程度因爲覺得佢地有生之年（2047前）可以享盡晒香港既自由，亦都好驚示威者會加快大陸入侵我地既步伐。呢班咁自私既人只要你比佢更自私佢地就會識驚。
講完之後我老豆死狗咁講，其實大陸好多野都唔好，食物安全呀治安個d,如果過多10年左右你覺得真係有需要，咪一齊諗下移民囉。我冇講任何野入房。
唔知你地有冇差唔多既體會
