直到某年某月某日, 中銀就換咗而家市面上見到嘅一個兜兜好方便咁比你放錢入去
之前試過放d 10蚊, 20蚊, 溝埋d 100 蚊一齊入,
部機識得嘔返d 10 蚊 20 蚊比我, 淨食緊d 100 蚊, 唔知咩原理好抵讚
原來櫃員機唔食 10 蚊 20 蚊嘅
然後有時一堆錢用萬字夾夾住又唔記得拎開
原來櫃員機係唔食萬字夾嘅
入多幾次之後部機就食咗錢彈咗信息同張單話我知叫我去分行
第二日去分行排隊做返少少登記手續, 分行職員話會調查後入返你戶口,
隔咗一個星期左右收到封信話 confirm 櫃台機食咗我錢, 而家已經入返我戶口
所以想同大家講,
雖然中銀存款機真係好先進, 但出錯一食錢就好麻煩
試想像下萬一有d 上咗年紀嘅呀婆分分鐘連中銀戶口都冇, 只係幫個仔去入錢
呀婆又唔識咁多, 以為可以入 10 蚊, 結果搞到食咗錢
食咗錢去分行快極都要排 5 - 10 分鐘
又搞到背後中銀d 職員 check 一輪野又要出信
為免麻煩要有責任 check 好自己入咗d 乜入個兜度呀
