【6.12一個月】疑中催淚彈後遺症 港台外判司機全身多處流膿

警方6.12清場發射約150枚催淚彈，其中一枚疑擊中香港電台外判司機莊文龍，令其心臟一度停頓。近日文龍懷疑出現後遺症，全身多處皮膚敏感，腹部、耳朵和腳底流膿，左手手掌不能握緊。他指，政府一度以「暴動」形容金鐘衝突，保險公司拒絕賠償醫療費，自己為節省開支，中彈後僅在瑪麗醫院留醫4日。有皮膚科醫生指，若催淚氣體濃度高，當中化學成份可導致皮膚灼傷。

6.12至今已過一個月，49歲莊文龍仍未找回事發一刻記憶。他任職港台外判司機8年，當日早上接載採訪隊去金鐘，其後警察和示威者在馬路對峙，採訪車滯留在龍匯道的露天停車場。他憶述，下午現場氣氛變得緊張，自己下車吸煙時，「呯」一聲有子彈在腳邊爆開，爆出白色粉末。緊接「呯」第二粒子彈射中旁邊採訪車車胎。他閃過念頭要逃走，但記憶到此為止。

傳媒鏡頭為他補充餘下記憶。文龍中彈倒地後一度心臟停頓，周邊示威者不斷呼救，其後文龍送往瑪麗醫院救治。他在上白車時恢復意識，感到左手手臂和膊頭非常灼熱和疼痛，救護人員敷冰紓緩。入院後骨科、心臟科醫生替他檢查。同病房的病人都知道他是逃離「鬼門關」的港台司機，「隔籬床嗰個問我，佢話你停咗（心跳）嗰20秒去咗邊呀？我真係唔知喎。」
特首林鄭月娥在6.12當晚發表講話，三次形容衝突是「暴動」。文龍慨嘆政府輕率表態，令保險公司拒絕賠償6.12受傷個案。他為了節省開支，住院4日便出院，醫生建議做心電圖監測心臟，他放棄做7日長時間檢測，「因為我無乜錢，所以我只係做咗一日。」
中彈後個多星期，文龍已經恢復工作，但皮膚多處出現紅腫敏感，耳朵、腹部、腳底接連生瘡，「腳板生瘡係最慘，根本行唔到落地，有嚿嘢頂住頂住，嗰日我真係頂唔順，我真係搵嘢拮穿佢，跟住就流咗好多血水出嚟。」周一工作期間文龍腹部的膿瘡裂開，流出的血水沾濕褲子，他用紙巾抹走血水，咬緊牙關開工，「我淨係知道非常辛苦，我每日我都唔知邊度會生瘡。」此外，他的左手亦出現異常無法握緊，「手掌合唔埋，用另一隻幫手（用力）令手掌合埋。」
皮膚科醫生陳湧指，一般而言催淚彈會帶來短暫不適，若催淚氣體濃度高、在近處爆開，可能造成皮膚灼傷，「好似俾火燒，只不過嗰樣導致燒傷唔係火，而係化學嘢。」另一位皮膚科醫生亦指，催淚彈有機會導致皮膚灼傷、紅疹，催淚氣體濃度越高，灼傷機會越大，若灼傷後有細菌感染，就有機會導致膿瘡。兩位皮膚科醫生均提醒，如果接觸催淚煙，要盡快脫下衫褲清洗，亦要即時用清水和肥皂沖洗身體，若皮膚出現灼傷，就要向醫護人員求助。
臨牀毒理科專科醫生馮顯達分析，催淚彈中的化學成份有可能產生接觸性皮膚炎，是一種過敏反應，若傷者身上有膿瘡，有機會是皮膚敏感再加上皮膚有傷口，導致細菌感染。文龍指，前日有醫生免費為他放膿、洗傷口和包紮，現時要服食消炎藥。至於耳窩內膿瘡，則要轉介去耳鼻喉科治療。
文龍指，中彈受傷後身體明顯轉差，以往經常跑步和健身，現時感覺力不從心，妻子很擔心他的安全，「我一去親邊呢，我老婆就驚，同埋一夜返或者出咗咩事，佢第一時間就驚。」他是家中經濟支柱，每月支付屋租和車租，即使身體又癢又痛，都不能夠長時間停工，「最慘一樣嘢，我停咗8日工，我無咗8日錢，要追返8日錢係好辛苦。」據了解，外判司機一更8小時收入不足700元，更要自行承擔油費、車輛保養等開支，工作15小時日薪才能過千元。
文龍指，很感激身邊傳媒行家問候和安慰，自己經此一役，仍會繼續做車長，但下次再遇同類示威，已經不敢離開車廂，「因為經過呢次經歷，我已經驚驚哋，點知會唔會再殃及無辜，死過一次，無得第二次，無take two個囉喎！」
香港電台機構傳訊組總監伍曼儀回覆指，莊文龍是港台外判公司屬下司機，根據合約，有關保險責任由所屬外判公司負責。港台就此事已去信警務處處長，而其得悉該台對同事在外工作安全的關注。

實際啲，捐錢啦
日薪一千，30日都係三皮，等佢養好病先

哇屌 冇人講？？

告警務處啦
射頭違反守則
佢索償到幾百萬有效過我們出黎遊行

可以點幫佢

政府固然仆街保險公司都係

有人道基金 同 本土早前既籌款 都應幫到手SEND 條LINE 比佢地睇下

特首林鄭月娥在6.12當晚發表講話，三次形容衝突是「暴動」。文龍慨嘆政府輕率表態，令保險公司拒絕賠償6.12受傷個案。


可唔可以捐錢比佢？？

推到港台睇到plz
一定大把人肯捐錢比佢做醫藥費

好陰公

蘋果可以幫佢搞過眾籌？

正經野又冇人理

幫我轉達呢個訊息

叫佢即刻住私家治療, 其間唔好開工,
民事索償香港政府治療612至停工期間所有開支及損失

612個個基金應該會幫到佢醫療開支？

支持 pish

Pish

推

當日仲有警賊阻礙救護車，有冇導致延誤救援？

有冇得籌錢打官司，呢單野對簿公堂可以還黑警一個「清白」