香港線上健身團練平台上線啦！！！

全民健身 · 2019-07-10T16:43:38+08:00

大加號，我地係一班連登巴絲打，打緊文嘅哩刻，我自己都係仲未見過Group入面嘅其他人。但係，所謂獨樂樂不如眾樂樂，獨健身不如眾健身，發現身邊無人搞團練，咁就不如由我地自己搞啦。想搞嘅原因？民間義工團體，推廣全民運動，乜真係需要咁多原因架咩？總之：只求健康，不談政治！強身健體，防備壞人！ 1. 講咗啲實際野先： = = = = = = = = = = = = = = = = = = = = = = 全民運動Come Train With Us - Telegram Channel： https://t.me/cometrainwithus （定期發佈全港團練資訊） Telegram大Group： https://t.me/joinchat/A5y1Skq8Nnvnv_xBlwbxdQ （吹水）港島區健身Group： https://t.me/joinchat/A5y1SlEnzIe4xDfLJAqghw 九龍區健身Group： https://t.me/joinchat/MLYkpE35SpauCbRrp8aflw 新界區健身Group： https://t.me/joinchat/MLYkpEddLYW4lv9c1REsyw －細區：荃葵青： https://t.me/joinchat/Dp4HvxMe15lrWi5KtQLlJg －細區：屯元天： https://t.me/joinchat/NZ0Bl0hZe3FEEb6IqoGsgg －細區：北區： https://t.me/joinchat/NZ0Bl1c31Cs9e16SI9mlrw （想參加團練，必入區Group，你要靠佢黎報名；內有報團方法） = = = = = = = = = = = = = = = = = = = = = = 2. 開團運動種類我地暫時大家都係各自分享自己識嘅野，十八區各不同嘅團，主要分類有：（1）體能－肌耐力、心肺（HIIT、跑步etc）（2）健身－力量、肌肥大（街場Bodyweight，好多巴打自己約人做Gym buddy）（3）武術－技擊（泰拳、各傳統武術）、柔術（柔道、巴柔、關節）etc （4）其他－Parkour 3. 場地安排／收費如果唔係運動需要，非必要都唔會Book場；如需要Book場，該次出席朋友夾番場租，但求打個和，等搞手唔洗貼錢搞，可以Keep 住長搞。例子：當2個鐘康文活動室($78)，8人參加，夾場租唔需要超過10蚊($9.75)；參加人數愈多，當然每人要夾嘅量就愈少，事前通知，現場收費。推廣全民運動，人人有責，我地好多都只係分享自己識嘅野出黎。所以，可以唔洗Book場嘅團，講汗水唔講金，全免費。 4. 如果我都有可以開到團嘅野想分享喎，可以點做？入左Group先再講啦，到時出聲；一支穿雲箭，千軍萬馬來相見。＝＝＝＝＝＝＝＝＝＝＝分隔線＝＝＝＝＝＝＝＝＝＝＝＝＝＝團練、運動需知： 1. 唔傾政治呀我地只係知道哩個世界永遠都有壞人，所以我地要強身健體。其他野你唔好同我地講，我地唔想知，你亦都唔需好話我地知。 2. 落咗名請出席報左名請真係出席，如果臨時有急事，都係盡早Group到講聲。除咗團練本身有參加人數上限外，如果報名人數多，我地會調配人手，務求保持教學質素。（特別bodyweight training，例如我地唔想大家深蹲錯姿勢，如果無人見到，最後就練到膝頭哥傷晒。） 3. 做運動首要概念：路遙知馬力，無須九秒九無論你運動目標係增肌、減脂、求速度、求耐力都好，全部都係一個漫長過程。以減脂為例，如果我地話每日200下波比跳，跑5公里係最好減脂練習，你跟咗第一日，咁第二日、第三日呢？一年？所以，每一個人都應該要搵一個自己鐘意做既運動，無論係健身、跑步都好，甚至可能係拳擊、劍擊。總之，搵一樣自己會比較熱愛，甚至沉醉既運動投入去玩。比掙扎更重要嘅，係恆力！ 4. 安全安全安全，很重要，所以要講三次各位參加團練嘅巴絲打，大家身體情況如何，只有自己先最清楚。心肺體能、負重、技擊關節柔術，所有類別嘅團練，根本做運動本身就係有風險。練團期間，如感不適，無需勉強於一時，記住，休息是為了走更遠的路。 5. 武術教學適合新人初體驗唔好期望有UFC三屆冠軍出黎教，大家全部都係師兄，我地歡迎任何人（包括修道船大師）將自己識嘅野分享比人。總之，注意安全，互相尊重，一齊成長。