中過焦蟲嘅寵物主人入:(

小弟隻狗中左焦蟲 已經食左2個滴滴金療程(黃金水) ，每次食完一個療程都返去覆診驗血，發現狗狗血小板一直偏低，冇好轉。請問大家有冇試過呢個情況啊？食完兩次黃金水都未得嘅你地下一步係點做？

我個獸醫就話啲焦蟲可能有抗藥性未清到，要繼續食6星期抗生素，還有可能狗狗免疫系統還有可能狗狗免疫系統利害被破壞，就係用其他藥先得。我好迷惘啊，呢段時間早午晚餵藥真係好攰，公司又多野忙，屋企人又唔係到。
我應該轉獸醫嗎？定係佢suggest嘅都係正常procedure ? 可否比啲意見小弟！

我隻狗試過突然血小板偏低
但係唔係焦蟲 亦唔洗食抗生素

獸醫有冇驗到肯定係焦蟲

果時我隻狗只係免疫系統自己打自己
食類固醇同降免疫藥 都係要早晚食食左兩個幾月
仲要兩星期覆診一次減藥

多謝你覆我啊！

佢第一次驗血發現血小板過低就拎左啲血去岀面啲lab到化驗見到真係中左焦蟲(牛蜱嘅一種）
但係食完正常係食完一次黃金水應該已經好返，但係佢而家食咗兩次都仲未好友回升返正常水平，所以想睇下大家嘅狗狗有冇呢啲情況？到底係焦蟲真係咁勁可以抗藥性，定係免疫系統唔得。我啱先決定再拎佢啲血去lab睇下而加仲有冇蟲。

想問下你如果佢血小板值咁低嘅時候你有冇再帶佢散步？

一星期一兩次咁
行石屎地/磚地

但係差唔多好返之際
仲有一個星期藥果陣冇左件唔記得左佢唔出得街
帶左佢上山頂玩 碌草地
去完第日成個肚皮都係瘡

我又係成日帶左佢上山頂碌，而加等佢好返先算。你個獸醫係邊區㗎？係咪港島？我依家成日帶佢過海睇醫生好煩

我用開北角長康
但係好多狗友話佢唔夠料

而家轉左天后animal kingdom victor chun
秦醫生
不過聽電話做booking d姑娘好撚柒串好似前世殺佢全家咁

真係好怕啲姑娘，但個醫生OK嗎？貴嗎？會唔會亂咁收錢，叫狗狗驗好多無謂嘅野

victor我睇過一次
果陣成第瘡驚佢有事貴貴都俾
唔記得價錢

果陣仲係由長康轉過去
要問上家拎返病歷
會收幾百蚊

長康我試過去身體檢查
佢照一照我隻狗隻耳話發炎
收多我400
診費加藥

中過牛蜱熱但好彩唔係焦蟲

我個寶貝仔中咗焦蟲，因為黃金水太難餵，同埋副作用太多
所以試咗焦蟲針，係元朗優活打，佢地幫毛守啲狗打得多，有經驗啲。
打完針要食藥，好似食lando，類固醇同另一隻抗生素，食足兩個月先好，初時呀仔冇乜胃口，都係要force feed，餵副佢好辛苦個時自己個心都好難受，試過好多次餵到攬住佢喊
但中咗焦蟲一定一定一定要食夠野先可以打仗，無論隻狗咩年齡，肥定瘦，最重要都係食野。唔好諗住一餐食少啲就由佢，好易好易好易出事。
焦蟲係清唔到，就算好返都好，抵抗力一差就易翻發，呀仔翻發過一次，唔洗打針，食藥一個月就好返。

另一隻狗都中過焦蟲，都係食抗生素好返～

另外，食蟲草可以幫佢地增強抵抗力，等佢地好返先食，如唔係就變咗用蟲草餵焦蟲架啦。個人推介阪聖蟲草，之前消委會做過實驗，話係性價比最高既。

中咗焦蟲日常出門大小便可以，但千其唔好帶狗狗去跑、游水等，佢地身體呢個時候非常差，一出去做劇烈運動好易消耗哂體能，要用幾日先recover