先預祝大家聽日放榜順順利利，不過以下小弟作為過來人都有啲關於JUPAS改選既提醒，希望幫到大家，唔好俾個制度陰到
以下資訊特別係針對：
－夠分入大學
－未明確清楚自己想揀咩科
－未完全了解JUPAS派位方式，特別係BANDING既重要性
既巴絲打，同埋CD-ROM
係JUPAS選科前後，大家可能都聽講過親戚朋友老師話排BANDING非常重要，而A3係要揀一個穩陣既選擇
但究竟我地擺BANDING既時候應該根據乜野原則，去判斷一科穩唔穩陣，值唔值得擺BAND A？我地要先睇睇JUPAS既運作方式：
https://www.youtube.com/watch?v=5W1-WxDhweY
簡單黎講，成個系統係咁運作既：
每個課程會根據自己部門內既計算方法，將所有報左名而又合資格既申請人由得分高至低排隊，先後次序唔會考慮申請人既志願，即係BANDING
（備註一：合資格既意思指：
一）符合學位最低收生要求（即係你報大學學位就要有33222）
二）符合該院校最低收生要求（例如中大、港大規定只收BAND A，或者有部分課程規定要BAND A先有面試機會））
（備註二：計算方法唔係直接等於你DSE既分數，仲要睇個一科有冇科目比重，面試表現之類，大家應該都明白）
而每科會按自己既學額劃線
即係如果有一科課程A係收100個人既，就係最高分既頭100個劃線
如果呢個課程對個100學生而言，已經係最高志願，即係100個都擺佢做A1既話，就會錄取
相反，如果有學生被比課程A更高志願既課程錄取左，原本屬於佢既學額就會移後至第101個人
如是直至所有課程或所有申請人錄取完畢
即係話，係唔抵觸以上既前提之下：
如果你夠高分，擺幾後佢都係收你
如果你唔夠分，擺幾前都係冇人收
所以，當你面對一個你冇乜興趣，唔係規定BAND A/B先收，你DSE分數高過收生分數3-4分既課目既時候，你無需要將佢放到A3，而認為呢個係保險措施
因為你就算將佢擺到E20都好，你被錄取既機會率係一樣！
但你就放棄左入其他你更有興趣既科目既機會！
如果你手上真係持有一個咁樣既水泡，改選時放膽將佢擺低少少，搏下其他值得你搏既科啦。
最後致各位準大學生，大學求知識，更要求真，唔會盲目信其他人既說話呀！
－－－－－－－－－－－－－－－－－－－－－－－－－－－－－－－－－－－－－－－－－－
基於以上既規則，仲有一樣同學仔常犯既選科大忌：
當你既分數足夠入若干科目既時候，排BANDING優次既準則，在於興趣而非收生分數。
有個例子就係話當你有25分，你正要決定為兩科排次序：
收22分，你有興趣既課程Ａ；
收24分，你冇乜興趣既課程Ｂ
你應該排課程Ａ為優先，Ｂ為次選
因為去到最後當兩科同時收你既時候，結果係會根據你當時既志願優次而決定。
如果調轉排，你就會被派到冇乜興趣既Ｂ科。
大家切記切記
－－－－－－－－－－－－－－－－－－－－－－－－－－－－－－－－－－－－－－－－－－
根據上年POST既選科Q/A：
Ｑ：假設有120人同時獲課程計分方法內的最高分，同時全部不獲更高志願既課程取錄（意思係指如果將呢個課程擺B5，但A1-B4全部都唔收我既時候），但課程資料顯示只收100人，會如何處理？
Ａ：根據上年巴打資料，會同時錄取或同時不錄取，不會考慮BANDING。
Ｑ：如果第一輪我派入A2，但我好想入A1個科，可唔可以reject offer等second round？
Ａ：唔可以，首先second round有分clearing round同subsequent round，不過只係second round會run兩次所以有兩個名，意義不大。
second round係提供機會俾main round冇offer既人，而唔係有offer但唔接受既人
所以如果你main round有offer但reject左的話，你係second round唔會有offer。
Ｑ：但真係好想入
，可以點做？Ａ：APPEAL DSE，但你APPEAL DSE分數成功的話，不論你main round有冇offer，都會俾機會你再揀一次
呢次獨立於second round，即係指你就算改完呢次都冇offer都好，你仍然有second round既兩次機會。
呢個係你main round有offer但你唔滿意，而改offer既唯一機會
（不過DSE appeal申請deadline會早過main round offer result release，所以要有先知之明喇
）（備註：appeal round既取錄方法會將你appeal完既既分數同main round offer分數最低既取錄生比較，若然分數一樣或你的分數較高，會自動取錄，但不會取代原取錄生）
