賣淫哥哥仔姐姐仔想對琴日屯門公園單野講D野

--
因為之前工作關係，識埋唔少賣淫哥哥仔姐姐仔，佢地一直都好撐成個運動
出錢出力都唔少
其實琴日屯門公園單野，佢地都知唔係反性工作者，背後講緊係公共空間使用問題
不過，哥仔姐仔見到雞鴨鵝家禽呢D字，多多少少都唔係幾開心，所以寫左D野，希望可以轉俾大家睇
--

過去兩天的反送中活動，我們一班性工作支持者、性工作者和嫖客等「家禽界」其實一直都在人群當中，和大家成為同樣對抗警權的伙伴。大家仍堅持的五大訴求，其中一項是徹底追究警隊濫權情況——其實援交ptgf/ptbf/一樓一/援交界等「家禽」及嫖客界一直都對抗警權濫捕，是香港社會之中反抗「警權無限大人權被出賣」的中流底柱。

但最近的屯門事件，大家居然為了「反送中」就把「性工作大媽」說得是在和警察作伴，兩者狼狽為奸，我地覺得非常委屈。儘管我們也知道大家是在反對大媽的噪音，那請大家創作標語時可否「停一停、諗一諗」，不要把所有性工作者和嫖客樹立成你們的敵人，成為要攻擊的對象呢？

唔好炒埋一碟

究竟大媽有幾乞人憎是可以討論。但而家就係為了打倒大媽，把所有大媽的特性都炒埋一碟。但這一大堆乞人憎的標籤，其實是可以逐步分拆和討論的。譬如噪音、罷街、唔肯溝通、搞商業、文化低劣、賣淫、教壞細路、公共地方表露性慾......這些都是大媽的特質，但是不是所有這些特質都要反對呢？譬如賣淫，為什麼要被炒埋一碟的鬧呢？

性工作一直被視為唔光彩既工作，請諗一諗，如果你都怕立左法會帶來白色恐怖，那不如都可以對性工作者感同身受一下：性工作者長期都是處於白色恐佈的環境之中！目前，99%的本地掃黃所使用的「唆使罪」都是冤枉性工作者的罪名，這條罪一直架在頭上，就算性工作沒有唆使，只要警察覺得你有，那就是要入罪，個官從來都不會懷疑警察講大話。

其實我們在網絡和街上找生意，眉來眼去，究竟得罪了你們什麼？百貨賣百客，如果有些啤酒從業員想經營副業，眉來眼去，真係犯不著你去趕走人和叫那些男人做淫蟲。同樣地在公園出玩，是否有賣淫又有什麼問題呢？台灣都有檳榔西施和廟會鋼管舞，這真係民間娛樂和民間的性需要來的。你不喜歡噪音就話不喜歡噪音咯，這個和是否賣淫無關，不用說反對公共的性和反對賣淫的話啊。

運動中，性工作者們的躊躇不前......

你們要拿性工作來開刀、你們如此拿來攻擊屯門大媽，讓他外表上看起來成為一場性保守和性解放既杖，說真的如果你們真的就是明刀明槍反對性解放，我們還是樂於應戰。

可是，這是一場反送中的戰場，你們是戰友，但這樣攻擊我們，我們應該扮看不到你們的厭雞問題繼續合作忍氣吞聲，還是應該要反擊呢？其實，這個時候不是應該要好好聯合，一起打警權嗎？性工作界別一直都在反抗警權，難道不是應該要共同合作？可以不要說厭雞的話，攻擊你們的隊友嗎？

所謂「以支持性工作的角度反對大媽」的論點

有人表示「唔係反對性工作，但大媽頂爛市，支持性工作者的朋友要支持光復屯門活動」。但其實，揸下波百五蚊買下歌女幾分鐘的一首歌買了男子氣慨，同一樓一全套真係唔同服務，不造成頂爛市的問題。一樓一和其他性服務，是互相補位，一起拓展市場。難道我們還要解釋嗎？

還有人覺得「一樓一安全，想賣淫去返一樓一。」那難道你要性行業一直存在在這個被邊緣的地底狀態？性工作要去一樓一是因為被人趕盡殺絕的結果。

澄清一下

最後，重複一次，我地都好憎有人霸著左個地方，聲大夾惡，唔講道理，這一種野蠻既大媽在西洋菜屯門公園土瓜灣公園，處處都係。返工返學休閒都要被人阻鳩著，對方仲聲大夾惡回敬，這一種「想出氣」的感覺，其實同想出火就搵性工作者一樣咁人之常情。

想強調的是：我地都好憎公共空間被人搶走

公園作為公共空間，好應該由用家互相協調使用，互相遷就各取所需，你以為你人多夠惡死，唱左幾年歌以為一直就可以霸著，完全唔打算理解一下周邊用家既反應感想，真係好乞人憎。所以，公園以至其他可以成為公共空間的地方，經互相協調既情況下，可以做街站、二手攤、交換快閃、街舞、打麻雀、小販、歌舞團、賣淫、踏滑板都是好可以發生。

甚至，我地係憎圈左地就可以蝦蝦霸霸的所有人，所以我地都好憎某些大媽。其實大家去軍事用地嘈，都係因為憎這種「圈地」行為，憎呢種以為自已霸了地就可以話晒事既人。但其實我地都好係站在這一邊的。」

但我們不同意的是某些手法問題。嫖客和性工作者幾時有被警察保護過？扯到警察包庇黃色事業真係對我們極大的冤枉，幾十年我地都比警察蝦，之後突然話我地係警察的一方，比著係你都冷靜不到吧？

咁我地想個世界點變？

1. 希望d示威者停止對性工作者的語言暴力，反送中一事上，認清性工作者係對抗警權既伙伴。
2. 唔好講到一樓一係我地的天堂，我地就係想要有一個對性工作開放的空間，可以在街上眉來眼去，讓嫖客都可以有不同種類的服務。你老來都可能要叫雞，都可能想要在街上flirt，人人都有不同的性需要，可以在理解某些人獨特的性需要的前提下做抗議，而不是做出趕盡殺絕的姿態。傷風敗德的人都需要有活動的公共空間（不要再講去一樓一喇唔該）。
3. 唔係唔比你反對噪音，但唔好反對家禽界。唔好炒埋一碟。
4. 我都知道大家想要以最勇武狠辣和絕情的姿態反對大媽，所以咩嘢都屌，但而家唔係唔比你抗爭，只係你地鬧到「家禽」係一個問題，只會讓同行的家禽界朋友覺得難受。請不要分裂運動，分裂群眾，要識得分開一單一單鬧，策略上真係好希望聯合更多既人打呢場杖。

推

推

--
原來佢仲有一段，
我唔記得貼埋
同埋佢地岩岩話要自稱「雞鴨鵝蟲孽緣連線」
--

曾幾何時，情色文化（譬如平民夜總會及色情出版物）是屬於雅俗共賞的民間文化與本土娛樂，滋養著大眾的性福，何以今日要被「文明化」和「公共衛生」排擠？

Pish

支持～～～

希望有一天，「做雞」不再是一個羞辱別人的詞語。

屯公大媽好擾民，但主因唔係因為佢地係性工者呢一點。

我無嘢講

令你哋感受唔好，真係唔好意思
多謝你哋

我無野講

家禽界朋友

pishhhh

重點唔係話賣淫, 而係響公共空間賣淫
希望佢地都明白琴日示威者既訴求 每一句口號 都係衝住屯門公園既使用空間問題同班大媽呀伯 而唔係對住全部性工作者講

anyway 齊上齊落 共勉之

pish 🚬

大陸雞應該可以嗎？

尋日吾系針對性工作者
而系針對在公共空間作賣淫的性工作者

推

支持哥哥仔姐姐仔

但最近的屯門事件，大家居然為了「反送中」就把「性工作大媽」說得是在和警察作伴，兩者狼狽為奸，我地覺得非常委屈。

唔該你睇清楚人地組織嘅宣言同訴求先啦，反乜鬼送中。
屯門人覺得非常委屈。

https://m.facebook.com/story.php?story_fbid=351203152228733&id=346212296061152&ref=page_internal

我冇嘢講 我要見律師 有冇搜查令 我要等埋律師 入面有法律意見唔睇得

個日行動無針對性工作者
正常人都應該會知 性工作係地球任何一個地方都唔會完全消失
我個人唔會反對唔會歧視性工作者
但篇文有一點係好偷換概念

「我地就係想要有一個對性工作開放的空間，可以在街上眉來眼去，讓嫖客都可以有不同種類的服務。你老來都可能要叫雞，都可能想要在街上flirt，人人都有不同的性需要，可以在理解某些人獨特的性需要的前提下做抗議，而不是做出趕盡殺絕的姿態。傷風敗德的人都需要有活動的公共空間」

無人會反對你地係公共場所散步 休息 做運動
但如果性工作者係公園招攬嫖客，成何體統⋯⋯？
公園3-99歲既年輕層都會使用，係咪個個都有性需要要購買你地既服務？
如果當一個公園變成你地所講既「性工作開放空間」，入面會有性工作者係到r生意，入去行下都會有性工作者flirt你，咁呢個公園仲適唔適合一般大眾入去？
我諗大部分家長唔會為左保護小朋友唔好太早接觸性，唔會再帶小朋友入去
情侶、夫妻都可能會為左避免誤會唔會比另一伴入呢個公園
咁性工作者係公園r撈呢個行為係咪影響緊普羅大眾？公園已經唔再係公園，而係變左「性工作開放空間」

你地想要「性工作開放空間」唔想再偷偷換換等客到，我可以理解。
咁你地應該係向大眾表達訴求，要求好似日本歌舞妓町、韓國清涼里咁，劃分一個地方作為紅燈區，而唔係將一個公園變成「性工作開放空間」