老老實實 林靜怡箍牙好唔好

我consult完覺得佢做啲配套幾好咁
但有人話佢收左錢就唔係果回事
網上好似好多打手…
求箍過嘅巴打絲打俾啲真實comment 感激

可唔可以了解下箍咗幾錢?

你個case係咪較簡單？因為佢話我要箍兩年到兩年半
我都係做緊嘢 所以好糾結好唔好箍隱適美…
我聽個經理講係除左頭一個月 之後兩個月先一次~
咁林醫生係咪只係頭幾個月先跟？之後就其他跟？

佢報48000剝牙
另加4000 固定器
介紹減三千
俾晒減二千

有冇平嘅箍牙？

唉 所以我好糾結…
好想箍好啲 但又想隱適美
我有問過梁柱恒牙醫 感覺幾好 但網上冇咩conment講佢…可能佢咩優惠都冇…

Btw thx for sharing

有嘅 要其他牙醫…不過普遍都三萬幾以上 仲要鋼

可唔可以做我介紹人？

岩岩格離post回左
copy埋過黎
我覺得要睇你棚牙係咩情況
如果係嘴突 哨牙 我覺得呢間麻麻
第一林醫生唔會由頭跟到你尾
你中途會pass左比另一個醫生跟
另外佢間野專做隱適美
就算你個case唔岩隱適美 要做傳統至夠力
佢地都唔會老實同你講
而且呢間野做傳統同做隱適美同價（你自己諗用意係咩）
無介紹人既話 做傳統仲貴過隱適美
你自己考慮下

我揀左呢間胡醫生
因為唔想成日轉醫生
你最後有無箍呀 邊間?

爬文見到呢個舊post, 請問最後用左邊位牙醫？

我都考慮緊林醫生

不過原來之後會交俾其他醫生跟？

唔好響度箍
我箍完都有d後悔

我棚牙其實唔係話好唔齊
係想改番正少少
箍左年幾左右

年幾內我諗見過林靜怡兩至三次
之後佢全部都比哂嗰個咩胡醫生跟
條友勁唔專業
你次次執完同佢講咩
下次佢都唔會記得係做咩

佢同d護士好似冇溝通咁，
之前我箍到最後
suppose係要拆左d粒粒先上最後新箍
咁護士比左我，我試喇好似有d緊我以為正常。
過幾個鐘有d痛，先發現佢個箍係冇個粒粒位
即係未除d粒粒就上左箍
我打去問番，佢叫我即刻番去整番

總之個印象係極唔好
有次我響追擊KOL POST度見到佢ig
佢平時係全身名牌同潮野嘅人黎
之後search個名係參加咩亞洲星光大道
個咩胡醫生係後生又唔可靠

我本身係因為睇林醫生先join
我見左兩次胡醫生之後
問護士可唔可以睇番林醫生

之後約喇睇左一次林
再覆就本身book林，
就黎覆診護士又打黎醫生唔知要上咩堂又唔得，
試過兩次，佢又比番胡醫生你

如果你想箍同你個case係複雜
我1000%唔建議你去呢度
佢係淨係識sell你用Invisalign
而唔係就你個case去幫你

我後尾知道有兩個朋友都響度箍
一個話暫時冇咩野
另一個又係屌哂鬼
佢本身好似箍二年箍左四年都未搞掂
佢勁後悔聽左箍左隱形
因為佢個case係箍鐵線其實會好好多

我本身諗住箍完牙響林度漂埋牙
但就之前箍牙睇佢地勁唔專業
我而家直接搵過第二個牙醫
貴係貴左但你feel到人專業做lo

林呢間野好似流水作業式既箍牙工廠咁
你上去睇d equipment好似專業d ar
但係佢地跟野又唔係同一個醫生跟
比另外個跟都算喇
另外個又十萬個唔專業

希望你搵到個好牙醫喇
唔係真係好哂時間

以上全係親身體驗黎

我consult完都係呢個價
佢地好似好想你簡隱適美咁
不過配套真係幾好
BTW 我係揾胡xx

會，我女友係由當初得林醫生一個就開始箍，之後佢哋不斷收新客收到根本做唔切，book咗時間都要等兩個鐘，然後到覆診先知嗰日唔係睇林醫生，慢慢轉咗佢去睇男嗰個。

宣傳手法亦好有問題，走去揾人做打手不斷喺網上話介紹你去可以有9折，又話林醫生好細心，爭住同人分享喜悅。

林靜怡2016年都俾人告過疏忽，索償佢一筆錢先平息咗，上網揾下就見到單新聞，仲要^_^其實喺佢度箍隱適美失敗嘅仲有好多人，我女友個fd都喺林靜怡度箍衰咗，本身箍牙係有風險冇得索賠啲咩但係佢哋嗰邊嘅宣傳手法同埋處理case嘅方式都好有問題，俾錢時咩都話得，俾完錢之後就開始現形。

仲要成日上去都係去房仔見姑娘，好似啲傳銷公司咁炮轟你，唔係咁舒服

多謝你詳細分享

請問你依家搵邊個牙醫漂牙？

我去到consult完想改牙形
因為箍完之後牙係整齊左
但本身牙形生得唔靚
結果直接整左牙套冇漂到

不過我有問過佢漂牙個價
貴貴地唔建議去嗰度漂

整牙套同貼陶瓷貼有冇分別？
我之前都問過少少資料

知道陶瓷貼可以改變牙齒形狀及顏色（白d)

牙套係一樣嗎？