七月瑞士有冇得滑雪？

認真滑嘅話可以去 Zermatt 滑 summer ski。
諗住係咁兒滑幾個鐘，又本身計劃上少女峰嘅話就喺嗰度嘅 Snow Fun Park 玩吓。

未滑過身上乜都冇

未滑過就有啲搲頭，我未去過 Zermatt 滑唔知嗰度點環境。
上年去少女峰個 Snow Fun Park 玩，如果租 Ski 或者 board 嘅話，賣飛嗰位會提你唔識滑嘅話最好唔好租呢啲玩。我估應該係因為嗰度查實唔多人會玩 ski，大部份人都係玩 Tubing 同 Sledging 嗰啲，如果完全唔識控制嘅話，滑落條主雪道嗰陣可能容易同其他玩 Sledging 嗰啲炒埋一碟。
不過少女峰個 Snow Fun Park 除咗兩條主雪道之外，重有一條十零廿尺長嘅 ski lift，完全唔識諗住體驗吓、著吓啲裝備影吓相嗰隻嘅話都可以喺嗰個位 Hea 吓嘅。基本上如果完全未滑過嘅話上少女峰個 Snow Fun Park 租 ski 同 board 應該要有心理準備唔會真係滑到，只係去影吓相 Hea 吓嗰隻。
我覺得如果真係想去到認真滑嘅話，一係要預足夠時間喺個雪場揾教練，咁嘅話我估你要預四五日留喺個雪場度玩特訓咁玩。
唔係嘅話就不如去深圳廣州嗰啲室內雪場練到一定程度先去玩。

Where?