The Spectator,不單係保守黨人必睇嘅雜誌,而且 The Spectator 嘅反移民觀點係以鮮明著稱。但最近一期嘅社論,係毫不客氣批評當年馬卓安做首相果陣,點解唔俾 BNO 平權。連 The Spectator都認為 BNO 要平權,咁其實英國國內無太大障礙。但點解會突然提平權,立法會香港旗一役,扭轉咗成個輿論取向。
BNO 與效忠英國
英國失去香港,多少係俾班支持民主回歸論班友累死,所以英國亦有理由「順應民情」,實際順應共產黨要求,唔俾香港英籍人士英國公民身份。而有民主回歸論,香港人變咗外人,唔係自己友,所以香港人嘅RoA問題,一直都無一個好妥善嘅解決方案。當呢件事,係一個Immigration問題,英國缺乏動力去處理,呢個係合理嘅。
而 The Spectator 嘅社論,係反映英國觀點嘅一百八十度轉變:
It was an error on the part of the John Major government not to grant Hong Kong’s industrious people the right to settle in Britain before the handover. Most were condemned to be handed over to China along with their city
呢個有三點:
1.指香港係 industrious,意即勤奮,其實直指英國政府過去嘅移民政策根本係錯誤。
2.認為香港人喺英國定居係一項right嚟
3.將呢班人一併交予中國係可恥
呢個包含就係,呢班人如果喺 The Spectator呢類右派作者眼中,香港人都係自己人,咁唔俾佢地入嚟英國居留就完全係荒謬,所以馬卓安本人未死,已經俾自己黨嘅雜誌鞭屍。而令英國人認為香港人係自己人,就係7月1日立法會舉起香港旗,以及有示威者帶Union Jack入嚟,基本上,所謂支持民主回歸,確實係一個騙局,咁 BNO 要撥亂反正,亦係理所當然。
CUKC-HK、BDTC-HK、BNO或其後人平權,相信係共識,甚至要擴大至部分未符合英籍資格嘅年青人,因為要救一班效忠英國嘅國民。英國人當香港人都係UK嘅構成一部分果陣, BNO 唔係移民問題,所以係右派雜誌開火。多年以嚟,我強調對英國嘅效忠,大家應該明我講啲乜。
在此,我對喺香港國會議事堂懸起香港國旗同英國國旗嘅志士,致以最崇高嘅敬意。這位志士,值得每一位香港人,對他行軍禮。