想問下曾經面對過寵物離世既人

養左十幾年既貓早兩日突然走左 有時好傷心 有時又覺得好似發緊夢冇咩真實感既感覺
有冇人試過? 跟住落黎會點?

隻貓本身有病？有無做開身體檢查？ 點解會無啦啦走左 Btw做左貓奴唔夠3個月,隻貓先就1歲,但都驚諗呢d野

自己寵物 都係親人一樣。 都係要時間沖淡 唔開心 就一定 。自己 要向好個方面 諗。

喪兒之痛，終生難平

隻狗五歲，我每日都擔心
一諗就好心痛

試過頭嗰排連屋企都唔想返
面對唔到返去無佢既屋企

好掛住佢 想對返佢好d 陪多d佢 多d佢出去玩
（狗）

我好記得 人生中養第一隻倉鼠 第一隻寵物
兩年後 佢走咗 加上嗰時仲係中學生
屋企人唔比我搵善終公司 覺得倉鼠好浪費錢
話掉去垃圾房就得 嗰下我真係好心痛
我唔捨得將佢掉去垃圾房 但當時嘅我無能為力
我搵咗個好靚嘅鐵盒 擺咗好多乾淨嘅木糠
放咗好多佢鍾意食嘅嘢 我仲好記得 我企喺屋企大門
攞住個盒 好崩潰咁喊 好唔想開門 唔想掉佢去垃圾房
最後都要掉 只能夠諗佢去到堆填區 最後都會火化
嗰排仲會不停睇返佢啲相 仲會喊唔停
而事後都養咗兩隻倉鼠 但已經無第一隻咁傷心

而家嘅我 已經踏入咗社會四五年 2016年養咗隻狗
家陣隻狗都3歲 好唔想佢咁快大 我驚到時仲傷心
我養之前 以為自己做好心理準備先養
但倉鼠果然同狗唔同 我已經好驚了

只有時間可以沖淡你嘅唔開心
果排一有時間就會諗起佢
而家過左兩年間唔中都會
盡量唔好比自己停 填滿自己時間表
會易啲捱過

嗰排每日瞓醒都不自覺咁喊到仆街，而家過咗兩年都仲每日捻起佢，呢世可能都無辦法再養寵物，唔想佢被取代

唔須要迫自己去放低，懷念佢同你之間嘅互動，唔好怕去諗起，然之後接受你對佢嘅思念，話俾自己知喺佢哋嘅生命過程入便我哋已經將最好嘅同佢一齊分享，要喊就喊唔好忍住，跟住時間會接手幫你。

個人經驗，我有搵火化公司，個送別幫咗我好多，有個正式嘅告別令我覺得佢可以安心去下一步。

時間

同屋企人走左一樣既感覺，無論之後養返幾多隻，都唔會改變到果種傷心

最錯既諗法就係覺得時間耐左就冇事
一段真正既感情係唔會比時間沖淡
如果時間耐左就冇感覺咁即係隻貓其實冇你想像中咁重要
最重要係去學識面對死亡 明白死亡係一件咩事
為佢快快樂樂咁過左一世而開心

我隻養左15年既貓貓都早兩日走左

下禮拜會火化 但唔知點處理骨灰好 巴打你當時點處理？

火化完通常會幫你磨成粉，會用骨灰um 入住俾翻你，我就放喺屋企玻璃櫃裏面。當然亦都有人會選擇撒咗佢。

真係要慢慢等時間沖淡一切
隻15歲嘅狗仔走咗之後嗰個幾兩個月 每晚臨瞓前諗起佢都會忍唔住係咁喊
只好安慰自己 同自己講 隻狗都唔會想我一諗起佢就會係咁喺度喊而唔係過往開心嘅日子 所以應該盡快振作
加油啊樓主

個心乸住乸住，傷心過失戀咁
但總會過去呀
佢去到另一個地方無痛苦無煩惱永遠幸福快樂落去
總會再相會

我地分享左最好嘅時光，佢連離去都係我人生中重要嘅一課：面對至親死亡。

多謝您由小一陪左我十幾年，到我臨出生你就離去。
咁快你已經離開超過十年，好唔真實