被上門拘捕時,心理經驗分享

37 回覆
82 Like 0 Dislike
2019-07-04 23:13:47
以下係曾經四次被捕嘅朋友嘅經驗分享:


《被上門拘捕時,心理經驗分享》

這幾星期一定好多人被捕,因為我都被捕過4次,其中2次是上門被捕,所以想分享一下以前上門被捕,在心理上大概係乜野情況。

【1。早上睡夢中被黑警拍打嘈醒,一定好驚】

我兩次被上門拉,都是早上7點拉人,警察瘋狂拍門嘈醒,你未瞓醒所以一定會不知所措,亦會好驚。(而且好燥,點解我4點先瞓,7點就嘈醒我!)

黑警點解要咁早?一來係因為佢想搞埋你屋企人,令你屋企人都驚,二來佢都驚你地之後要返學返工,三來就係當你未起身,腦都未諗到嘢嘅時候,係你最軟弱沒有精神和意志嘅時候搞你,令你反抗唔到。

但由那次我的行動是反對立法會替補機制的諮詢會場衝突行動, 當時有很大的社會反響,所以我心入面一直都估計一兩星期內,警察可能會上門拉人,我當時已有少少心理準備。而同一一早上有另外五人被捕,包括長毛/及其他社運朋友。(我估今次都應該會係幾星期內瘋狂早上拘捕)

【2。警察一定大呼大喝,想你完全屈服,聽哂佢話。】

佢當時首先係大聲呼喝,叫你即時開門,而且惡形惡相,務求讓你及家人都屈從於警方的意志。我當時由於已準備公民抗命,所以開門都無乜所謂。

但係,我事後諗返其實唔洗咁快開門,可以等一等飲杯水,洗個面,打個電話或message,令自己清醒一下先。如果佢知你有經驗去應付,你又夠鎮定,可能佢就無咁得得寸進尺。

【3。極重要:驚是正常,但要尋找機會將你被捕的消息講比人知,voice message 比朋友都得】


由於係上門被捕,所以我要求在房入面換件衫,及刷牙梳洗後才跟黑警走。警察當時係唔俾我鎖門換衫,只俾我半開門咁換衫,可能因為怕我爬牆逃走又或怕我者通知其他人。

我當時仍在嚇醒的狀態中,但我換衫的時候把握機會,用手機send了個message給其他社運朋友。警察見到即刻上叫我停止send message以及想沒收我電話,我當然死都send 左先,唔理得咁多。send 完就繼續著衫。

因為我的朋友知道我被捕,一定會安排律師來警署。所以即使我唔記得任何律師的電話,我仍知道自己被捕後係會有人來幫我,所以感覺安全。

如果唔得閒打message, 錄個voice message 都得。簡單message 即可,就咁(例如我當時係打:我現被上門拉,被帶去警署)

今時今日,佢一定係會想收左你電話先,所以我建議最好未開門比佢入時,就應該send 個message 比朋友。同埋大家一定知道,絕對唔洗開機或比 pw 黑警。

如果我再次被捕,我可能會自己一路在 fb 拍live,拍埋自己無受傷時的樣,以防到時被黑警打完都琨無對證。

你要知道,你的朋友如果知你被捕,肯定會叫人來救你的,唔洗擔心。

【4。預左要孤獨面對半日,甚至有心理準備可能被黑警打或屈】


黑警拉得你,佢一定會call 哂馬,而且斷你聯繫,令你覺得好無助,係孤軍作戰。過程中,如果你有反抗,可能更會屈你阻差或襲警。所以如果係冇閉路電視或者親人嘅見證情況下,係會有一定程度危險。

我第二次被上門拉時,有屋企人在家中,咁至少有個人叫做下見證,黑警無機會亂來。另外,佢亦會係好多細位令你唔舒服,例如專登在警署開到冷氣好凍,依啲位要硬食,無計。

【5。自己一個,真係唔好挑釁警察。】

得你一個,就算你講得好有道理都好,佢真係可能會打柒你,因為你冇人證。而且好有可能佢會告返你襲警,佢哋咁多警察一定會互相做人證。所以依啲位無謂作意氣之爭。

【6。不幸被黑警打,係會好x驚,但唔好諗坐住還手或駁嘴。】


大家都知我同XX等在2014年6月新界東北抗爭中,被拉上警車毆打。由於太突然,我哋都真係成程都反應唔黎,我地當中有數人被打到頭破血流,至今仍歷歷在目。黑警毆打時,佢地係痴左線的,屈你係黑社會,x你老母,總之打你時一定粗口橫飛。

唔洗問,我地一定會好驚。但我知道,我唔會夠佢地打,而且駁斥佢地只令佢地覺得打得更理直氣壯。所以我係唔會回應佢任何屈我嘅野或者鳩問我的問題。(例如佢會成日問我地知唔知錯,你唔係好x威架咩,你唔係好x型架咩)

黑警打人,很可能是沒有第三者見到,而且又沒有閉路電視。上到庭真係各有講各講。所以依個位我地係完全處於下風。

所以,我的原則係,由於已完全肉隨針板上,無需要係佢地完全優勢時候硬碰。

【7。最好要在差館見律師,離開警署時立即去醫院驗傷】

我地去到警署,我已見到幾個人披頭散髮,血流滿面。就算你知道自己冇犯法,但都已經冇晒氣勢。

黑警又呃有氹,威逼利誘你,等你唔好見律師。黑警同我地講話「你都識啲程序架啦,唔好見律師啦,可以早啲完成程序早啲走」,而且又在拉XX去廁所位要求佢洗走血跡,亦暗示佢唔可以見律師,否則會打多獲甘。

有律師雖然當日黎左差館,但我地是沒有見面。無錯,因為係警察威脅下,黑警戚唔比我地見就真係令我地見唔到。但事後想,都係盡可能堅持要見,雖然我知係好難。

好多被捕須知都說,正式程序上,如果你被捕,你在警署係會見值日官,並告訴值日官你被打。但以我兩次上門被捕的經驗,其實都唔知邊個係值日官。大家執生,總之原則係盡可能在警署入面就要有第三方來見證你的傷勢。

我亦都建議係離開警署時,在警署內就call 白車,以及影低自己傷勢,否則將來告佢都無證據。

【8。事後紀錄】

如果你再被捕過程中受到毆打和不公平對待,一定要在事後詳細地紀錄自己被捕過程。(例如我哋個case就係民事告警務處,但至今5年先至上到庭)

=====
我無野講
我無野講
我無野講
我無野講

喂,依點大家都知,我就唔講了
====
2019-07-04 23:14:21
我無野講
2019-07-04 23:14:44
我無野講
2019-07-04 23:15:01
我無野講
2019-07-04 23:15:11
我無野講
2019-07-04 23:15:37
我無野講
2019-07-04 23:16:42
我無野講
2019-07-04 23:18:07
我無野講
2019-07-04 23:18:11
我無野講 我要副本 要見律師 唔簽文件 我唔解鎖 唔好凶我 我投訴你
2019-07-04 23:20:04
我無野講 我要副本 我搵律師 我唔會簽 我要毛氈 我要飲食 我唔解鎖 唔好凶我 我投訴你
2019-07-04 23:27:53
羅冠聰經驗分享:


根據過往多次經驗,面對警察最重要嘅心法係:
唔好怯。
警方會用一切方法令你panic:包括早上凌晨未訓醒或者深夜訓著左敲你門、見面時即刻兇你扣你48小時、警館入面對你呼呼喝喝,拖延你所有基本要求……

但警察嘅本質就係欺善怕惡、盡力偷懶,並且係完全唔習慣面對認識法律或規章嘅人。你諗吓佢地平時對得最多嘅係咩?黑社會,或者街頭街角平民紛爭。幾可會搵到有人對住佢講英文或者講法律、講權力?

所以其實當你熟讀網上嘅法律知識,你已經係捷足先登,超出呢班警察平時面對嘅客戶群組。換言之,其實喺資訊戰上你係贏左:知己知彼,百戰百勝。你知佢地咩底細,但佢地唔知你識幾多。

所以必須必須緊記:第一次交鋒時,你係佔上風架。無必要panic,無必要怯。要記住心法第一式:我無野講。佢問多幾問,諗住chok鬆你時,你可以將佢變成英文,或者換個方式講:法例賦予我保持緘默嘅權利。

尤其是講英文,一講英文d散仔就會hang機。
所以一有意外,記住心入面大叫幾句:
唔好怯!我無野講!點都唔講!
唔好怯!我無野講!點都唔講!
唔好怯!我無野講!點都唔講!

至於佢係咪有十足證據先搵你,緊係唔係啦傻仔。我都打甩過一單,警察拉你告得你入佢地當然開心啦,但實際上最起碼都會忙你搞你一兩年,其實係好煩惱。所以你喺面對訴訟時已經會好煩惱,就唔洗咁早開始擔心啦。整理好心情,搵到律師幫忙,唔好自爆,處理好你嘅個人物品,就已經好足夠。

去到呢度,就要記住心法第二式:
入唔入到罪唔係在於你有無做過,係在於佢可唔可以證明你有做過。

係在於佢可唔可以證明你有做過。
係在於佢可唔可以證明你有做過。
係在於佢可唔可以證明你有做過。

任何時候都唔好心虛,唔好怯,一冒冷汗佢就知你有野。你未被入罪時,你都係清白嘅,唔需要同佢地求饒或者嘗試喺佢地手上拎到任何益處。原因唔係佢地每一個都大奸大惡,而係佢地愈快處理到你,佢地就愈早收工。所有警察做野都係為私利,為個人便宜,同公義係隔個大西洋嘅距離。

俾警察拉過N次,喺差館最常聽到嘅對話係:「喂,師兄,呢度點搞?」佢地都係好鬼混亂架咋。唔好以為佢地係精密機動部隊,每個警員都有自己利益同agenda,返工擦鞋比做野更重要,好多野都係靠估,或者跟procedure做啲唔做啲,成日就諗點蛇王。你面對嘅呢班人真係唔係你想像中咁強大。無錯,佢地有槍有炮,但只要你冷靜面對,好多場合佢都唔可以奈到你何。

各位手足保重。
2019-07-04 23:31:19
冇野講
2019-07-04 23:31:37
多謝巴打分享
2019-07-05 08:39:17
2019-07-05 15:27:15
2019-07-05 15:40:16
2019-07-05 15:49:26
班差佬痴撚線,律師都唔俾見
2019-07-05 15:58:27
我無野講
2019-07-05 15:59:14
黑警係警署根本隻手遮天 無王管
2019-07-05 16:07:49
我無野講
2019-07-05 16:18:17
2019-07-05 16:22:45
推比多D人睇
2019-07-05 16:33:55
push
2019-07-05 16:38:07

2019-07-05 20:03:28
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞