我係廢中，唔衝得可以做咩 - 致同樣都是中坑但想行多步既朋友

首先，年青人，對唔住
我垃圾，我無用，我念在家中兩老，念在一份帶來穩定收入既工作，唔想家中嬌妻擔憂，唔想屋企個化骨龍無得開飯，我無行前，我頂多去下遊行，612經過現場企行人路
你地好叻，仁義禮智勇兼備，叻到我覺得自己阻住地球轉，更加令我安心咁行埋一邊，見證你地創造一個又一個歷史，不斷為香港添加動人既歷史時刻
去到呢刻，我會諗有咩我地呢班廢中較你地容易做到，而且對件事有幫助呢?

相信好多中年人，不論男女，都係諗緊呢件事，唔好諗，我俾埋方法你，大家一齊做

首先分析返我地有咩班後生相對少D
1) 錢，照計咁鍚身做到廢中都係因為有唔少利益框住；
2) 傳意能力 (分析能力/表達能力)，同樣，心理想偏向運動既都應該讀過下書，分析能力唔會差，再加上社會經驗較多，我地知道咩時候講咩人地會易入耳;
呢兩樣好多人或者後生仔都有，但接下來就係緊要既野:
3) 人脈，做到廢中，你係自己個行或者任何圈子點都有少少地位，分分鐘係老細或者頭目級，講句野俾NOBODY係有說服力，或者根本賣你怕;
暫時係咁多，諗到再加

咁可以做咩幫到手?拋磚引玉俾少少建議，絕對安全，絕對合法，唔阻你好耐，俾埋LINK你

1) 培育有骨氣傳媒
香港得一間有骨氣既傳媒係唔夠，大家要不斷幫助有骨氣，會報導真相既傳媒，避免一個死人台獨大，培養自己小朋友同家人多角度吸收資訊同分析能力，做得廢中個千幾蚊你跌都跌左
支持蘋果日報連結：https://hk.appledaily.com/campaign/hkad_subscription.html?utm_campaign=hkad_20190617_trial_subscription&utm_medium=internal&utm_source=hkad&utm_content=inhouse_ad&_branch_match_id=675267706346569861
支持立場妹妹連結：https://mystand.thestandnews.com/
NOW CABLE個堆自己訂
文宣登廣告就量力而為，支持幾多都好點都支持下
應該仲有好多，以下歡迎補充

有事就買定物資
午餐肉又好，水又好，廢中有的是錢，買多少少幫百佳抬價不為過，你屋企人用唔曬食唔曬就拎去接濟有需要朋友。

運用自己影響力
做得廢中，可能有班人跟你搵食，唔知有無人睇廚房佬條片，無一個伙計還口，點解? 唔係因為廚房佬感化到佢地，而係佢地唔敢出聲。係自己有影響力既群體入面，FB又好，WHATSAPP群又好，得閑講下自己分析論據，幫佢地個腦洗白。有班人會覺得你係老闆會英明D，你咁講實有你道理之類，慢慢導佢地。

吸納中間派，莫屌票
相信好多同年紀既人成日口講我討厭政治，我唔理黃藍我反對暴力之類之類。你話佢地港豬，永遠無法叫醒裝睡的人等等係無意思的。呢班人一係掛住搵錢個腦咩都唔諗，一係就只係識做返工既野，個腦係空心既。唔緊要，你擺野入去，唔好話佢地，讚佢地有能力先，慢慢發揮自己既傳意能力，引導佢睇多少少，慢慢等佢地自覺為香港出左分力，叫佢地動用資金撐下立場之類，呢類人一定會認自己係好人，安份守己，你就用呢條路出發，慢慢引導佢，最緊要係不斷口頭讚賞佢，等佢慢慢試下試下走下前D走下前D，當教小朋友一樣就得。記住，不要指責，不要指責。對一個唔識分析太多，你用反面既語氣佢只會覺得你係攻擊佢，咁完全無意思。

重建家庭關係，決不分化，一個都不能少
好多家中長輩係深藍，都係出自一個愛子女之心，唔想仔女受傷。對廢中既父母黎講，佢地會緊張你份工，緊張你無仔生，緊張你俾唔到家用佢。我地作為廢中唔似後生咁可能仲要家人養，仲要分分鐘係家庭經濟支柱聲都可以大D。但講到尾，大家都係愛大家，除左本身會傷害自己家人既變態以外，家人最後既歸屬都係家人。係呢一點而言做論述，講下例如通過左條例我可能連工都無埋俾人取代呀，唔知踩中咩位俾人送上去個孫就無得食呀之類。記住，你唔會改變到佢地所有諗法，你只要將佢地拉返去中立就得。講返俾佢聽成家分開兩個陣營互相指責既話，只有林鄭先會得益，大家掛住互片既話佢就有位抖氣，呢個係好毒既離間之計，千萬千萬不要中計。

血債票償，一票不能少
用返我地既影響同傳意能力，記得自己投票，叫身邊人投票，投邊面唔使講啦。

聘請年青義士
呢場仗有排打，我地既年青人即將承受慘痛既代價，佢地可能有人會被控，無人肯請，我地廢中當中有招聘請人能力既，請佢地，咁有行動力既後生仔一定幫到手過班老SEAFOOD。

拋磚引玉完，我無野講了，如果都有中佬中女有建設性意見，大家集思廣益下

不要分化，對準目標，五點訴求，缺一不可

每人行多一步就好有用，推！

推
我無嘢講

會一直課落去
有錢都買唔到

多謝你
有你地我地後生仔先可以無顧慮去做

推

我無野講

錢真係唔知點幫
以前有大台就捐大台
而家都唔知點捐
D後生仔自己出錢又出力 睇見心酸

其實好簡單，有野餐活動帶個人出黎就得，人數對我地黎講好重要

支持傳媒
蘋果
立場
獨立媒體網之類
月捐又得
單次捐又得

買物資，之後派街坊
你再有錢d既攪個關愛基金都得

呢個基本盤黎，但好多廢中如我真心怕呢樣怕個樣，所以先有感而發講返唔行前係後面都唔表示咩都唔可以做

推

全民健身計劃

黎緊我地進行義教，識，唔識都可以歡迎咁多位巴絲加入

提提大家 呢個谷唔講任何政治
只係單純想出嚟約大家做下健身
記住 我地健身目的係為左以後俾人追可以跑快啲，搬野可以搬重啲,有危險可以保護到自己！

https://t.me/joinchat/NZ0BlxTpuh58PNn1sCyW0A

[url]200萬人既社運購物平台
https://lih.kg/1267584
- 分享自 LIHKG 討論區[/url]

有興趣可加入，
你既社會經驗，可能會幫到我地

岩岩見到
中佬中女們出手啦


留意到好多人想課多啲金畀蘋果。 嗱， 我教你
https://lih.kg/1284832
- 分享自 LIHKG 討論區

星火同盟，不二之選

立場
星火
傳真社
蘋果

野食其實唔洗
你捐一皮野出黎print傳單
啲傳單多到壓死人都得

推