當中最常見係分化，因為共產黨最怕人民團結，團結就係力量。
如何分化？以下係常見步驟：
1. 第一個（亦係最重要）步驟就係用一啲簡單名稱將反對聲音分類並標籤。
例如：「泛民」、「本土」、「勇武」、「港獨」等等。
2. 當群眾慢慢接受呢啲標籤，就可以開始將標籤「負面化」。由於目的係要抗爭者「群眾鬥群眾」，所以所有標籤會無差別地「負面化」。
例如：「飯民」、「笨土」、「勇武燃」、「急獨」、「講獨」等。
3. 被「負面標籤」嘅派別（即係所有派別、所有抗爭者）當然心有不甘，所以佢哋就會更加願意用呢啲「負面標籤」嚟攻擊／丑化其他人。
例如：飯民死全家／落地獄、本土正仆街、勇武鳩衝／累街坊等。
至此，「群眾鬥群眾」嘅格局就基本形成。
呢種標籤最陰毒之處係會令人將對一個（或一小撮）人嘅不滿擴大到整個擁有同樣標籤嘅派系。
例如：「梁耀忠正仆街」可以擴大到「無一個泛民係無辜的」。「梁頌恆柒咗」可以擴大到「本土勇武港獨都係鬼」。
就係咁，一個原本多元、可以和而不同、互補不足嘅抗爭力量就會搞到四分五裂。群眾大部分時間都去咗用嚟互相謾罵，邊有機會抗爭？
所以，當遇到一個 post（或一個會員）不斷不必要地運用呢啲標籤，大家就要小心。
有時間就講埋其他。覺得有用就請推。Thanks!
