以前喺高登都開過po 大致上係講不明不白被分手
到今年一月左右 透過ex嘅朋友知道分手原因
其實都發現自己真係過份痴身 令對方唔開心
今晚又習慣性地睇返以前同佢嘅wtsapp對話紀錄
原來分手後嘅自己睇野會有另一番感覺
當日我唔會覺得自己同佢嘅相處方式有問題
以前以為佢真係鍾意我痴身
但原來到後來佢已經覺得難受 但為咗我開心而唔講
今日嘅我睇返以前嘅對話先感受到我有幾恐怖
佔有慾強之餘仲要唔識體諒對方 抵我比人飛
Ex嘅朋友 我知你有上連登架 多謝你講比我聽
曾經愛過我嘅你 對唔住呀 我知我冇機會親口講
但我希望你以後會幸福快樂 搵到個適合你嘅人
我唔會再死纏爛打 但千奇唔好同我做返朋友
我仲未放得低你 我淨係想離遠睇住你過得快樂
Dse要努力考好佢 唔好令屋企人失望
要成為你屋企入面第一個大學生 將來就可以追夢!
多謝你突然離開我 比我反省自己做錯啲咩
到現時為止 我最無悔係愛過你
最後最後 好想多謝當日喺我高登個post到留言嘅巴絲
唔知你地有冇過到黎呢 無論點都好想講聲多謝
多謝你地不斷叫我面對現實 叫我咪再等
雖然今日我都未完全釋懷 但我相信好快就可以
多謝你地睇到黎呢到。