我認衰仔，跟住嘅幾日無咗件事。當然，見到有人畫咗枝新嘅香港旗，睇落好似幾好，但睇睇吓好似有啲唔妥囉。姑且講吓細佬愚見，各位千祈唔好屌。
第一，藍+白，仲要隻藍真係「大酒店藍」
，好有紅磡啲大酒店Feel
。仲要白花，有啲唔係好老嚟喎
第二，洋紫荊花，俾共慘黨玩殘晒啦。有所謂「帶花」又係有啲唔老嚟之餘，香港「帶花」帶咗22年就衰足咁多年，就咪再帶啦。
跟住呢，我就諗，香港人精神支柱係乜？獅子山應該最多真‧香港人同意。所謂「獅子山精神」嘛。有人講過「洋紫荊精神」咩？
但好難畫到成座山出嚟，所以細佬覺得用獅子應該可以。而且，個阿伯話咪旨意英國佬，所以唔用英國佬以前嗰隻獅子個頭，重新畫過。
係咁意畫咗兩個版本：
個概念是咁的：
1. 長闊比例沿用港英旗嘅3:2；有圖有真相 ~ 以前灣仔駱克道有間酒吧出面掛咗枝港英旗，間酒吧老細話係97年政府拍賣會買返嚟的。
(但遊行經過好似無咗
)2. 香港會係海洋國家，所以底色用藍色；
3. 獅子頭用黃色。唔用白色一來避咗「紅磡大酒店」，二來白色隻獅子望落無咁SHARP，三來參考歐盟旗都係藍底黃色星星，喻意香港就是要脫亞入歐；
4. 深淺兩隻藍色+黃色+白色，代表香港由三個主要部份組成 - 香港島，新界+九龍，大嶼山；同埋香港係華洋雜處、不同膚色種族文化共融嘅社會
頭盔：純粹發夢而亂畫之作，大家唔好恥笑。又唔好罵戰，唔係針對早嗰排出現嗰枝，各自發揮創意，再有新作品都得，用乜旗可以再商量，最緊要條街有共鳴。
