近日馬圈盛傳黃杏秀本周三（26日）在跑馬地馬場舉行的賽馬賽事中，她買了連贏及位置Q過關3X4，包括第5場的3號「紅旗星將」+4號「最驫」+9號「綠野先駒」、第6場9號「壽臣」+11號「勤德兼備」+12號「精彩飛動」、第7場3號「樂滿家」+9號「加州神箭」+11號「艮志騰雲」，共3,240注，每注$5，即以$1,620賭金，最後合共贏了$6,076,444.5彩金！有馬迷大為羨慕並說：「全馬場都知，轉賭馬好過！」
最關鍵是頭關爆大冷，第5場三隻包辦三甲，即是三條位置Q中晒，而且連贏位派彩5773元，令過關倍數大。今日《蘋果》向黃杏秀了解，她說：「係我朋友中，我夾咗小小份。」問她中了多少，有沒有過百萬？秀姑則說：「幾多就唔講喇。」
事實上「阿叻」陳百祥在訪問曾經講過，他是唯一一個靠旺夫而生存的男人：「如果第二個娶到黃杏秀，我就做乞兒，佢買馬又中、買股票又中，買樓都掂，得閒去馬會求其隊張飛仔去，又拎現金，呢個世界真係好鬼得意，佢唔係人，係仙女下凡，啲馬養佢，因為佢屬馬，屬馬嘅人一定要賭馬，呢句我講嘅。」
