深圳家合居買料

小女第一次裝修，budget有限，諗住上深圳家合居自己買磚同裝修材料。想問下大家有冇咩鋪頭推介，好驚俾人呃 最緊要價錢老實，售後服務有交帶，唔該晒咁多位先

售後服務有交帶
呢樣應該要搵香港鋪
幾年前裝修時買料都問過師傅，深圳買得唔得既
佢就話有d風險都要預,例如磚如果有問題，爛／彎之類
大陸換就無香港咁方便，一係你自己預料再預多少少
但多左少少，可能又同香港買唔差太多
你不如問下師傅有無相熟鋪頭介紹比你可以去睇款
睇完就師傅幫手訂到，有咩問題，師傅可以同鋪頭跟番
佢又知咩時間送料來啱番進度
如果都想去深圳睇下，或者就係香港睇完款，知咩價錢再去睇下都得
另外個d唔係太緊要既野（掛架，廁紙架，毛巾架之類）深圳買都ok，質素同出旺角睇差唔多。
燈就一樣可以深圳買，可以睇實物係點，或淘都得如果想再慳d
但最好同師傅確定下先，睇佢肯唔肯裝，同唔好買d太複雜既款

講起買燈，而家深圳賣個d多數都LED成塊個種
話LED比燈膽／慳電膽襟用，但實制唔係既
我裝修完一年內壞左3盞燈
自己最好研究下買左d咩燈款
每款燈淘番幾塊LED係屋企備用

唔該晒各位先，明天會先係香港睇，再上深圳格下價

地下一入門口果間磚王勁不老實
一入門口己經同佢講要高溫磚 其他磚唔要
結果簡完 無問多次 落到香港先知有款係瓷片
同佢講佢唔認 下年裝修新屋一定唔會再搵佢買
價錢仲要貴過其他

What toilet paper and towel brands do you use at home? Every time I wipe the floor with paper towels, they stick and tear and make a mess.

最慘係上網好難搵到黑店名
要中咗伏先知

條友仲要同我廚磚唔係好多磚見光
屌佢啦貪平其他廁地磚我都唔撚使買高溫磚啦ok

高溫磚係咪貴好多
廚房先用？
我唔識野問下

貴10rmb塊ja ma
廚廁地都可以用高溫
瓷片要浸水先砌得
而且可能會大肚
高溫直d

訂造廚櫃大家有無介紹？
裝修師傅收好貴
佢應該唔會比大陸訂造傢私資料我
因為我唔搵佢做櫃佢賺少好多

收幾錢呎？

2800一呎

我有去過深圳睇野, 不過無買磚同潔具. 我買左燈.
如果想行得比較effective, 我提議大家可以打電話去訂家合居對面間紫隆酒店, 星期5晚收工上去住. (利申深鐵夜晚地鐵好逼, 仲逼過香港, 搭地鐵就忍耐下.)
第二朝一早落樓食早餐就入家合居行下先. 之後可以行10分鐘行埋5方家居.
(大家可以用高德地圖, google map唔準, 你懂的.)
之後可以搭地鐵去荀崗食個午飯, 去一去好百年, 家之福, 咁就差不多可以番香港啦...
一日行晒4個場, 都算效率高, 而且因為休息左一晚, 爭取左時間同體力.

講番我睇完既感受. 家合居只係叫便宜. 但D野真心唔靚, 佢最頂層傢俱個幾間似觀塘土瓜灣80年代舊傢俱鋪咁上下樣既demo, 我真心唔敢試.
因為唔使做廚房, 所以無理廚櫃. 磚又已經係香港揀左, 又無睇.

所以只係買左燈. 係5方家居買, 盞燈耐用過我係屯門買果盞. 屯門果盞同呢盞大陸同時買, 但屯門果盞已經死左, 只有一年. 但呢盞我搬埋屋依家仲用得幾好. 5方D燈比家合居好, 家合好多款都好老土, 最多水晶燈唔係好適合我. 但5方某D產品同香港價係差不多的.
送貨, 畀送貨費只係到樓下, 上樓要再畀多一舊水. 因為我果盞燈唔算太重, 我自己上樓無問題. 但買磚同潔具一定要畀上樓費!
連登有位巴打自己搬磚上樓! 我服左佢!

荀崗好百年真心係咁多場最靚果個, 好多大品牌都係開個度.
睇就好睇, 最後無買到. 但我覺得果度散買傢俱好似幾好, 樣比實惠靚先啦...
家之福就好多都有去造傢俱, 但邊間好我就唔知, 只聽過有人中伏啦. 但邊幾間伏店佢地無詳細講.

真係食水深喎，一般收1000-1200一呎左右

係好貴
所以我先唔搵佢做
出面街鋪都平過佢
有無巴打有去家合/五方買磚同訂造傢私經驗同推介
唔使好靚 普通就得

岩岩係個邊買完一堆野，有伏有唔伏
磚整完好靚，鑽左幾個洞都無事，無裂無性，磚師傅話砌落都係靚野，話好過佢之前砌過既意大利/西班牙磚 (打左個突心諗有無咁誇)，不過so far so good啦，色水都靚
門中撚左伏，雖然平但度錯哂尺，又唔記得整返個防盜眼比我，屌佢老味屌左佢好多獲，不過佢d門真係平，大門可能係香港5分1價
度尺做櫃so far都幾好，不過未裝，話唔到比你聽係咪真係好，不過個人好有心機傾同幫我諗，所以都會推薦

全部野都係田貝四買咁滯

我買磚最後唔夠磚，差20塊度，跟櫃個車黎，諗住得20塊自己屌上去 (送貨佬話要收我兩舊水)，屌佢老尾拎去5塊試左一下算9數乖乖比錢