！！！今晚（626）愛丁堡 8PM 不見不散！！！

PostMalone · 2019-06-26T12:02:29+08:00

後日（28號）就係G20開幕，亦都係成個運動其中一個最重要既里程碑；我地之前既69一百零三萬人遊行、612事件、616二百萬零一人遊行，香港政府冇正視過我地既訴求，用不存在於議事規則入面既「暫緩」黎敷衍香港人。之後陸續既不合作運動亦都逼唔到政府出黎回應，而家我地只可以寄望G20峰會會有其他國家幫手出聲，所以今晚既呢個民陣晚會其實就係我地既求援大會，用人數話比全世界知我地需要唔收貨，需要佢地既協助幫手比壓力中國/香港政府。可想而知，到時如果得小貓三四隻，只會令所有人覺得，包括香港政府，我地已經收貨，結果會係： - **送中不會被撤回**（據前立法局主席黃宏發表示，議事規則只有撤回withdraw/押後postpone。冇宣布過撤回，隨時都可以恢復二讀，一日已經足夠時間立憲） - **警察濫權與否唔會得到調查**（日後再有不公既立法/施法，我地爭取公義既行動不會被保障） - **制止左612立法會二讀既前線手足會被控以暴動罪**（冇佢地，二讀已經過左，我地唔會黎到呢個階段。如果佢地被控，日後仲有邊個夠敢上前線反抗不公？當日應承過既齊上齊落呢？） tldr : 今晚2000-2130只係一個和平理性進行既集會，請大家抽兩個鐘到場，因為呢個會係我地暫時可見既唯一出路。！！！今晚 626 愛丁堡 8PM 不見不散！！！