[理性討論]今次登報發揮o既作用可以遠超預期

長く短い祭 · 2019-06-25T21:57:55+08:00

今次既眾籌文宣活動顯示到我地既團結同力量，與前線勇武及和理非配合證明我地絕對唔係可以比人予取予求。呢個行動係世界上黎講絕無罕有，黎到呢刻我認為登報行動既焦點可以稍為放向更大既議題，絕對可以爭取更大成效。我地既抗爭，好大部份係建基於我地香港特別既國際地位，金融中心，以及過去數十年既文化輸出同旅遊重鎮，因以得到世界各地既目光關注，比如612後已經有全世界既迴響，藉從「贏」到「暫緩」送中條例。美國兩黨聯推既自由及人權法案，取消香港關係法，獨立關稅區；德英法提出外交照會，又有台灣朋友親力遊行集會聲緩，直至呢一刻「反送中條例」已經係世界得到關注，我相信時事雜誌一定會持續關注呢個議題，比如經濟學人同明鏡等等。可能我咁講好多人火起唔同意，「無時間表重推」究竟等唔等同「撤回」爭論黎都係晒氣，呢個政府無恥既程度，佢想推咩法案就推架啦，佢用咩詞彙，都一樣可以醜陋至極地搵方法再玩，我地係冇可能每次都有咁大既群眾力量，所以再係「撤回」與否度浪費時間根本冇意義。登報既焦點唔應該不成比例地傾向「反送中」，因為「反送中」只係單一議題，下次一樣會有其他「X31」，「共用電」，「取消關卡」，「大灣區」等等等等無數無數你想像唔到既議題，我地應該珍惜今次咁難得既機會務求發揮出更大作用。引起歐美o既浪潮先係救贖香港o既最大機會樓價高企薪金增幅慢上升空間無望冇前境冇未來，呢D議題大部份都同冇雙普選直接關聯；同樣情況，白色恐怖，警權過大，一地兩檢，送中條例，全部都同「極權反人權」關聯，而毫無爭議，中國共產黨作為全球最大既極權統治政權，同時對我地香港步步壓逼係不爭既事實。而「自由世界」呢一步先係我地應該運用引起世界同歐美關注既最大武器。單講送中條例，大部份右翼都會覺得遠東小島事務唔關佢地事，「哦，加油」。相反，我地強調香港有好多好多人，最小兩百萬係自認自由世界既一份子，對於我地既人權自由同尊嚴受壓逼，我地係會不惜一切抗爭，我地要爭取留係自由世界，我地係自由世界既一份子。當件事上升至「極權VS自由」，對上左年紀既人，佢地會一樣記起極權主義與自由世界既對立，世界所有國家都經歷過，對比起原先做法，我地強調起極權VS自由既兩元對抗，係可以爭取到歐美無數人既支持。德國係612以後有報道自我批評，認為左翼係過去數年過分關注環保同女權等議題，忽略左世界各地既民主與自由進程。出名溫文既Larry Diamond教授係今年五月底台北既六四論壇更加拍枱明言歐美唔應該再放任極權國家既所作所為，唔可以坐視不理。呢個議題係歐美世界係已經發酵緊，點解我地要背道而馳，放棄最大既武器?我地應該強調，香港有好多人正苦受壓逼，正為自由而戰，急需世界既關注同支持，守係自由世界既第一線，唔可以再任由自由世界萎縮。世界各地既關注同支持係鼓舞到我地既決心，帶黎希望。呢個講法會受白左歡迎。我認為咁樣先可以成功引起歐美主流社會既聲音，假如真係成功上升至「極權VS自由」既兩元對抗，到時候世界既浪潮同聲響一定會大好多好多。對我地幫助大好多第一.送中條例過左去就議題就完左，關注都會完，但係送中條例只係壓逼自由人權既其中一環，即使完左送中，一樣到再推其他ON9野或到我地爭取權利既時候歐美關注唔會消失，甚至會愈黎愈大，愈黎愈響第二.良性循環，當香港係世界頻頻見報，係世界各地對香港關注愈黎愈多，咁香港既作用就愈黎愈大，可以一直企係兩元對抗既第一線。各國政府都會加緊，甚至會派更重要既外交/商會要員到港，務求保障本國係香港既利益第三.最後最後當香港已無可救藥，我地悲觀地要退走他方，咁無論係政治難民/常規移民都可能有便利，留有退路。大家可能笑我過分樂觀，或者睇高左香港既作用，但唔試過點知唔可以?今次眾籌到咁大筆錢，係世界各地登報，好大機會係唯一一次，點解唔嘗試將佢既功效發揮至最大?而我認為呢個方向先係對我地香港有最大用處，唔好再糾結反送中係唔係撤回，我地有呢個機會一步到位，以後無論係「乜中條例」，都有能力擊退。希望文宣組既巴絲認真考慮。天佑香港