如果你預左打長久戰，歡迎睇下(長文)

以下係某絲打諗左好耐既長文，求大家認真睇落去。

依家依個港共政權係一個惡性腫瘤，依樣野人所共知。既然係腫瘤，我地不妨以對付腫瘤既方式去分析一下依家依個狀態。係開始之前，我必須先潑定冷水。治療cancer 係長久戰，而且無人能百分百肯定會贏。但依然要有策略咁打落去！你唔打，一定無命。你打，仲有機會贏！

Cancer 有分好多期，而依家依個政府大約係第三期癌症，做唔到手術果種。治療3期癌症往往唔會係用一種方式，而係用多種方式多管齊下，同依家抗爭既需要，不約而同，所以需要先了解唔同治療方法既利弊先能夠有效地多管齊下。

以下為現階段比較有效既癌症治療方式：

手術：
最容易簡單直接。但已確定唔work。
即係要求官員下台。目前黎講唔work。
以前董伯伯年代仲會驚市民，因為岩岩回歸，好多野都未上手
而家689,777年代，好多野都上曬手 官員都換曬佢地既人咁濟，問責制已經無太大作用

電療：
以輻射殺死或縮細癌細胞，但最大弱點係只能夠侷限於照射區範圍內。好處係對正常細胞影響相對化療較少。但長期用輻射依然會對正常細胞做成永久影響，好似甩頭髮之類。
可視之為和理非，遊行派。作用上可以壓一壓政府既傲氣，但實際作用以依家黎睇，有限。遊行既好處係影響到既普通市民有限，但長期遊行，始終市民會慢慢開始反感，好似甩頭髮一樣。

化療：
用化學方法直接干擾細胞生長機制，抑制細胞生長。好處係強硬，大規模掃射。缺點係化療無專一性，正常細胞癌細胞都搞，正式既攬炒。短時間無乜影響，正常細胞識得復原。但長期副作用唔少。因為大量正常細胞亦被殺死左。
大家都估到，依類一定係勇武派行動派。搞到班政權但同時亦搞到更多既普通市民。有短時間既成效，但長時間會令市民反感，所謂既失民心。
所謂急於求成 只係拔苗助長。

疫苗療法：
比較新既治療方法，主要作用為活化體內免疫細胞專一性。即係話俾d免疫細胞知要打邊d細胞先岩。
文宣裡面專門負責推議題或活動既果一班人。幫助抗爭者統一方向，以免一盤散沙。難度在於點樣有效推廣。
唔係短時間生效，成果要係慢慢累積。

免疫細胞療法：
依家最hit既治癒方法。簡單黎講係以大量強化免疫細胞辨別癌細胞既能力，等佢地自己識得分辨邊d係癌細胞。
深耕既朋友。要耕到2046，要耕到廢老師奶都知道是非對錯。

標靶治療：
比較容易理解既係分子標靶治療。即係針對一d癌細胞特有既生長因子去攻擊。好處當然係一擊即中，但同時有可能會岀現所謂既抗藥性。而最難搞既係癌細胞亦有機會搵新既辦法生長。
依一個複雜d。可視為各種可直擊政權弱點既政治手段，比如特別關税區。但因為佢既複雜性，政治手段最好交俾政治人物（議員）負責。而唔可以預期個政權唔會再搵其他辨法搞落去。

目前狀態
暫緩 = 癌細胞無再大 但唔等於 康復
無高官下台 = 癌細胞好強 = 預左場仗要打好耐而且好難打

長期路線（短期係下面）
電療化療有成效，但唔可以日日做。依家已經有副作用，又嘔又甩頭髮。但要知道隨時有需要再黎過。依家個身體係需要回一回氣先。身體太虛弱既話，打贏左都得返半條命。如果癌細胞再擴大（個政權又搞d乜嘢岀黎），就好需要電療化療岀手。
帶議題既文宣要keep住推議題，等d免疫細胞（抗爭立場人士）可以keep住個敏感度，知道要對付既係咩議題，係邊條友。
深耕既當然繼續努力將藍變黃。其實每一個人都有責任去深耕身邊既人。
標靶治療其實需要好多而且長時間既research。如果定位係泛民，泛民就有責任適時向各方面更新資訊，並且係適當時候發岀Targeted attack。

短期建議
除左文宣推現時緊張既議題等人知之外，電療化療既療程仲未完，咁不如做埋佢先。下面既行動idea，我諗未必個個認同，但不妨考慮下。
每個星期日係煲底（或其他人流更多既地方。遮打花園？）聚會野餐。咩都唔做，只係每個星期黎坐，黎互相分享公民意識同個人經歷與感想。聽落好似好廢，但如果長期每星期都有幾百幾千人係度野餐，正正係不斷提醒政府香港人無忘記到。同時亦提醒d岀過黎但健忘既香港人，唔好忘記612。佢用冷處理想香港人忘記，我地就偏唔俾香港人忘記。但要成功做到依樣野，一定要大家肯堅持，文宣亦要個個星期推。
至於幾時停，可考慮以成立獨立調查委員會作條件。假設係佢成立，我地可以停。

推

幫推

推

push

push

push

Push

push

推

推

推

好似睇緊工作細胞咁

你當每個人都係一個細胞去睇
實有好有壞
點處理壞細胞就係我地要諗清楚既野
對症下藥而唔係胡亂服藥
咁先係上上之策

push

推

Pish
最怕香港人善忘

而家係AIDS
以前政府有各種各樣監管機制 就好似免疫力咁可以打低各種細菌病毒
而家中撚左AIDS 乜9 ICAC 監警撚 全部都失去哂應有功能
免疫力消失 自然會有各種併發症出現
抗爭既人係各種藥物疫苗 有無辦法令各種監管機制起身回身就睇呢鋪
如果救唔返不如死左佢重新投胎好過

推

搵多d新血做區議員

就好似人地捐血比病患

醫生話就算得1%都叫做救得
轉得黃其實就係心底裡個企位並唔穩固，有動搖過

我覺得仲有得救

不過你都講下你講左咩野，佢又睇到聽到d咩?