尚餘三萬：解放香港聯署 及 Q&A

https://petitions.whitehouse.gov/petition/president-trump-please-liberate-hong-kong-communist-chinas-occupation?fbclid=IwAR0eD7ytTjSwdRl9nMEybLp6Xr5bFVg0qDkq5-YrdhsVKvQ8XvSZL5BW9iU

現況

截至2019年6月22日早上4時，總聯署人數已突破70000人，距10萬人目標尚餘30000人。我地要係6月26日前破10萬，等美國有兩日時間按章出牌，配合28日嘅G20港人示威活動。

請大家努力叫更多人參與聯署，仲要記得叫佢地做email確認，再叫佢地分發比更多朋友，好似滾雪球咁滾落去。上兩份白宮都過晒10萬，無理由呢份仲未過。

常見問題

身邊總有啲唔知頭唔知路嘅朋友，跟唔上G20戰術。我嘗試根據我呢幾日面對過嘅問題，做個Q&A，方便大家解釋應對。

唔知道呢份聯署係新聯署
Q: 白宮聯署唔係已經簽過啦咩？又簽嘅點解？
A: 上兩份係針對中共/港共官員在美居留權及出入境權利，今次係向美國要求解放香港嘅聯署，係唔同架。

質疑聯署果效同實用性
Q: 美國點會出兵解放香港呀？邊會有用？
A: 呢個聯署嘅目的唔係真係想特朗普出兵救港，而係製造話題，一個更大嘅請示，說明港人急切爭取自由嘅態度。道理如心理學嘅Door-in-the-Face技巧，先求大，再求細。將極限推高（武力/文化解放香港），其以下嘅請求都變相合理（如外交影響、人道支援等）。特朗普緊係唔會武力解放香港，呢層放心，發起人國師陳雲開初已講明此道。目標只求特朗普可以此聯署作戰術民意基礎，係G20上向中方施壓。

唔明解放香港聯署同G20嘅關係
Q: 呢個聯署關G20乜野事呀？同逃犯條例嘅關係向邊？
A: 香港人要贏，就要清楚香港嘅國際關係同地位。香港一直係中美經貿嘅重要戰略地，因為香港同中國係截然不同嘅地方。香港有西方法制，係一國兩制下擁有高度自治、司法獨立，故美國同香港有香港關係法，令香港享有特別關稅區待遇。今次逃犯條例正正觸犯咗香港嘅實然主權（自治權及司法獨立等），故在美國眼中，香港將與其他中國城市無異。而此亦使中國十分驚怕，因香港一直都為中共服務，以香港身份做中美嘅生意。故此，若G20時提及以上香港問題時，中方將會係貿易戰中跪低。我地係請美國陪我地打緊國際牌，本地牌繼續由民眾示威打，互相輝映。

唔清楚本地民眾要點配合國際牌打法
Q: 好，咁我地有乜野可以做？
A: 好簡單，除左你要簽署，再叫更多朋友簽署之外，由今日開始到28號前，我地要以不同方式係香港繼續示威，一千幾百人集會，清楚地舉標語、派傳單。唔需要衝，勇武派可以暫時放低大劍，以輕鬆簡單方式，製造「香港人仲係好不滿呀屌你個閪」嘅國際形象。一直保持穩定嘅反政府反惡法民意同氣焰，直到28號。如果你有時間或閒錢，仲可以去大阪示威添。


時間緊急，請火速完成聯署！
歡迎補充內容。

幫手推

Push

非常好的Q&A

大家諗下啲姨媽姑姐叔伯兄弟簽咗未

多謝。因為呢幾日呼籲外國朋友，佢地都唔明但照簽。

Nice work

多謝。聚集左好多文章嘅精華而已，我執二灘。

多謝。呢刻一定仲有好多人唔知呢份聯署同G20戰術嘅存在同意義。必須向呢啲人傳播訊息。

push

推

唔會回應，只係民意參數。