大學生 學系莊 職位係p 大學4年 除咗上莊之外都做過2份非本地intern 去過下summer exchange咁 預計second low grad
首先幾樣講咗先
上莊=玩 ：可能我份人比較毒。好多時都覺得上莊似返緊工多啲 做錯野 用多咗錢會俾上莊、監委會屌 搞活動其實你角色係搞手 一個搞手最多係睇見人玩會開心
上莊=食女 ：呢樣睇唔同情況 上莊令你曝光率高咗 識多咗人 易識到女仔呢樣真
但女莊員方面 我識咗佢地3年 覺得佢地似佬多過我地啲仔似佬
大家都fd zone咗 好少話會因為上莊而食到女 但我女朋友亦係莊期入面識既外系學生
經歷完一年上莊之後 覺得上莊呢個決定其實係有點不智 但又未去到話非常錯既決定 但我亦都唔太建議大家上莊
原因係你付出咗一年既時間 其實先發現好多人都覺得你係on9仔 圍威喂
（我暫時都叫未出社會 都係睇返高登 連登得出呢個結論）Gpa亦都一定會有影響（當然gpa係咪咁有用我到依家都未知）
學到既野有無？有
你個人會變得外向 朋友會多咗 係嗰一年叫做有個目標咁 唔會9fing fing過日子 待人接物 呢啲我都覺得自己好咗
但搞活動、sponsor 等等既野雖然學到 但我又唔覺得好有用啵 因為我覺得自己未來唔會再接觸到搞活動
有關上莊既過程，我間u 就好少dem beat
con會亦都主要問關於活動/應答/系資訊等等既野（當然亦有啲一兩個老鬼 con人con到鬧人咁
但都係少數 我都覺佢地on9） 所以我對呢方面文化無太大意見 自己莊開會大多數一個鐘內完 而且過程中好少廢話 廢話大多都係食飯 /玩嗰時先有因為我上既係學系莊 除咗搞活動之外 亦會參加一啲有關校政/學院/學系事務上既野 例如同professor傾下個系既收生情況 、課程上有咩意見等等（但佔比率少數），本身我份人都唔係太鐘意搞活動，對行政方面比較有興趣。
上莊對一啲無自制力 無目標既人黎講 可以話係有一樣野限住你 俾個目標你 等你大學4年可以叫做有啲野做下咁 但收穫同付出一定係唔成正比
多謝大家無too long don't read
係
