阿雞是我當年認識的朋友,是在快餐店工作認識,佢啲同學介紹佢入來做parttime的!初相識無兩句,但慢慢開始有計傾算少少深交啦會傾心事,佢話18歲想做寶馬車行。記得嗰陣有個男仔想追我,佢就做咗中間人打來同我講,三個人去咗牛頭角睇古惑仔,佢仲話唔中意人都尊重吓唔好睇戲嚟聽歌吖(CD機),佢仲爭幾日都過唔到16歲,唉,出報紙前一日個經理call我問我有無同阿雞聯絡?我話呢個星期都無喎,我話call佢機,經理話call佢有咩用,成班重案組去咗嗰間快餐店問嘢,報館啲記者又去哂想攞料,仲話佢應該死咗!咁啱我等緊人收工即場問阿雞個同學有無見過佢?佢答我,無喎,不過有人問過佢有無爭阿雞錢,佢答無,之後話好彩你無爭,否則一世都還唔到比佢!我無理係咁call佢機,結果第二日喺頭版就見到佢了我喊咗出嚟T_T阿雞真人無戲中人咁7,同我一樣高160cm,得九十幾磅條腰得24吋,咁細粒比咁多人打足幾粒鐘打到死,我心真係好痛。我仲諗返起最後同佢聯絡嗰排佢話會轉call機no,我問點解咁快轉?當年中港通台開機價一千唔使包八個月台費,當時佢只係用咗兩個月到,佢話唔想比某啲人揾到佢,結果無耐就。。。我唔知佢出面係點,但以我認識嘅佢真係唔算差,雖然我哋只係識咗三個月到,有時會互寸吓,但佢我心目中係一個好中意笑幾傾得埋嘅人!!
你似乎係位巴打
敢問呢篇野係你打既定copy from第二度
不過睇完真係更加覺得佢好慘
你話好似戲入面果個咁第一印象都可能會覺得佢有D抵死