［ 4月新番 ］進撃の巨人 Attack On Titan Season 3 Part.2 ( 5 )

Sorry唔小心㩒錯負評

唔緊要
bot嚟姐

有冇討論下 阿克曼 同巨人，究竟邊個先係高等啲？

有分析講，其實大地惡魔交易幅圖，個女仔先係隻惡魔，因為咁樣諗邏輯係有既:係佢送個蘋果比隻野，然後先有得化為人型。

而阿克曼日本發音同惡魔同相近，相信都唔係巧合。

再比較能力，雖然巨人能力好多，但限制亦唔少，包括行動時限，後頸弱點，只有13年命等等。

反觀 阿克曼，雖然人數唔多，但係有絕對能力摧滅一大群巨人，包括智慧巨人內，而且壽命亦冇話同巨人一樣咁短，行動力強，智慧同觸覺都係高一等。

你地點睇？

阿克曼都要有立體機動裝置先係巨人殺手
強如kenny冇科技都係比人秒
刀刃年代一隻鎧巨都已經屈晒
加上阿克曼會被人迫害到就快絕種
我諗始祖既力量都係絕對

但始祖無辦法操控阿克曼嘅記憶

如果咁比較一定係做阿克曼好過做巨人，但邊個高等就好難講
變巨人要付出代價
但阿克曼唔覺醒就普通人一個，覺醒左就當Bonus，
又唔會對生活有影響，純粹武力勁啲

有王族血統嘅女性同普通亞爾迪亞嘅女性有咩分別。因為今集講到話如果馬萊知道有王族血統嘅女性嘅存在，就會搵佢嚟配種。咁同搵普通亞爾迪亞女性有咩分別？反正都可以生到巨人後代。

有王族血統先用到始祖巨嘅力量

有王族血統先控制到始祖巨人

有機生物的起源
可能係指所有生物既起源姐

Reddit 見到

咁更加印證到記憶錯亂論

可能大家都諗多左
純粹用過 historia掂艾倫拎回憶 既橋段
所以係到用多次呢個方法黎拎回憶姐
效果其實比就咁係封信到讀個感覺重好
雖然邏輯上有啲講唔通

至於見到ymir疑似要被繼承呢幕
可能只係wit想好頭好尾
為下一手唔知邊間公司,甚至唔知做唔到既第4季
埋下一個伏筆姐

利申只係估計

我反而覺得係每任進巨傳俾下任時都會講

咁之前啲進巨咪好九唔搭八
雖然梟已經係

可能係初代進巨當時救唔到既兩個人 帶著住遺憾咁流傳比後人

但係梟佢有好明顯咁話唔知乜水係米卡莎同艾爾敏
艾倫阿爸都問過呢兩位乜水
如果純粹係記憶錯亂我唔覺得會有呢兩句

或者再講多個腦補假設
可能係艾倫代入左佢老豆黎進行緊個回憶
而回憶途中梟就突破左講左呢句野
所以先會問䲷呢兩個乜水

雖然尤彌爾表面上扮到好乞人憎，其實內裡一直都係女神格。
由佢以前喺馬萊為保班信徒而自稱女神，到依家寧願唔同最愛嘅Historia結婚，都要犧牲自己保住2個廢柴戰士，睇得出佢由頭到尾都冇改變到，根本上佢性格就係付出自我型。

反而女王本性其實唔係咩女神，佢只係一個普通女仔，因為細個比老母忽視而習慣左討好人。佢改返真名之後就唔再扮人見人愛嘅女神，做返普通嘅自己。

佢地2個人完全相反，真係人不可以貌相。