先附上employment letter 一張
相信好多人冇乜事都唔會去急症睇醫生，今日就講下由入嚟開始，到底會發生咩事
無論你係坐白車定walk-in 入嚟，第一站要先去或者請同你陪診嗰個去入院登記處admission office 做登記。Admission office 會幫你開case 每個case 都會有自己既編號，叫AE number 。所有工作人員都可以用你個AE number 嚟睇返你嗰次係急症求診既記錄。同一時間，佢地會幫你開一張求診記錄卡(AE卡)。有呢兩樣嘢你就可以去分流站等分流。
分流站(Triage station) 顧名思義就係分流既地方。分流站既護士同職工會幫你初部檢查維生指素，例如體溫，血壓之類。之後佢地會因應病人既情況分成5個category
Cat 1 危殆 ：因嚴重事件或意外引致有生命危險，主要維生指標（如脈搏、呼吸、血壓等）極不穩定，必須立即施行搶救
Cat 2 危急 ：主要維生指標處於邊緣情況，可能有生命危險，須立即治理及密切監察病情。
Cat 3 緊急 ：主要維生指標較為穩定，但情況嚴重須盡早治理。
Cat 4 次緊急 ：情況較輕微但需要治理，可以等候一段時間而不致出現病情惡化。
Cat 5 非緊急 ：屬於非急症，可以考慮使用其他醫療服務，如公立普通科門診，或私人家庭醫生。
注意返，如果touchwood你現場或者白車上面情況好懷，基本上會skip 曬上面嗰part 直入急救室(R房)
