611靈糧堂係咪邪教

大家冷靜啲，唔好自己嚇自己先。

611唔係邪教，不過上面有人講咗少少，教會分好多派別，而每個派別向神表達嘅方式都有啲唔同，但係大家都係信同一個神。

而611係靈恩派教會，仲係比較係呢個方面行得好前好前嘅教會。講方言、會喊、會手震唔係因為同鬼講緊嘢，呢啲只係聖靈充滿一個人嘅時候有機會會出現嘅行為，分外顯內顯。

其實個個基督徒都經歷過聖靈充滿，唔係點信主。只不過聖靈充滿人嘅時候，每人反應唔一樣，其實聖經有寫。

如果番緊一間教會係會打壓靈恩派，咁其實要問下點解要打壓。

本身神三位一體，聖父、聖子、聖靈，其實呢三樣嘢本身係呢個信仰嘅核心，如果避忌講事但一樣，咁其實就唔係講緊呢個信仰。

教會有好多間，最緊要揀間啱自己嘅

利申：叫咗個基督徒朋友答我，如有錯漏，歡迎補充，不喜勿插

我係福音派既，無唔信聖靈，只係覺得聖靈唔會無啦啦走出黎，

聖經話神不會令人驚，我想法係咁

朋友話：當你信個刻，聖靈已經進入你個心，同你一齊，唔會走。當你有需要嘅時候，佢會提醒你，聖靈係保惠師嘛。聖靈充滿嘅方式係無限制，因為神本身就無限制。

至於驚，會唔會係因為唔認識，唔知發生咩事所以會驚？正常你係街見人喊，你都會諗下個嗰人有無事。