上星期發夢嘅小知識啦,我係中信橋中間傳物資嘅人鏈
幾個tips:
1) 除非你係最前嗰排人,你係唔會知發生咩事。請完全信任指揮,叫你向前就向前,向後就向後,傳嘢就傳嘢
2) 傳嘢唔好跌嘢,跌嘢傳錯就放上身,唔好有嘢喺地面kick親人
3) 防具嘅正確配戴方法係
- 口罩要先帶,眼罩吸喺口罩鼻樑之上,完全要密封
- 皮膚不要外露。可雨衣(長袖)加手套,或保鮮紙包手臂
- 上前線就頭盔(單車盔最實淨)加直遮或盾,摺遮無用。遮要鐵骨,私人推薦七仔遮
-後援就揹一堆濕毛巾,水同鹽水喺身啦
4) 放一兩隻煙彈其實以上裝備頂到無問題。但一次過十鳩幾隻就仆街了,因為放完煙一定放速龍。要有心理準備要逃走。所以必須先計劃好各方向嘅逃生路線,無論有無煙入眼都吸實忍一忍,口罩可以先淋濕,保持用口呼吸。到時你對眼應該唔係好睇到嘢(對鏡起霧,出面又係霧),但你都要喝啲對友叫佢地睇路。地下一定已經一地物資,唔好跌親,見人跌一定要九秒扶起以免人踩人,無論眼耳口鼻幾辛苦都一定要去到安全室內先除gear,用鹽水沖。
我當時犯嘅一個錯係轉上行人路入海富頂唔順除罩沖眼,點知佢喺海富條巷再放,我就食晒 感覺有少少似食一大啖wasabi咁上下。
見到速龍,請速逃。
信任隊友,情況許可必須救人!!!
加油,夢中見