以下文章係某大人權法碩士生做既paper所得出既結論
對於近日的警察暴行，我想提醒大家幾樣嘢：
一、我知好多人都覺得監警制度係廢，但其實數據及案例顯示佢廢唔晒，有部份個案真係彰顯到公義，關鍵在於你識唔識玩呢個遊戲。
二、首先，所有投訴都是先由「投訴警察課」（CAPO）跟進，然後「須匯報投訴」個案會交由監警會覆核。所謂的「須匯報投訴」，就係由受害者本人作出的投訴。
所以受害者本人一定要自己走去投訴
所以受害者本人一定要自己走去投訴
所以受害者本人一定要自己走去投訴
記協話會代替行家去投訴，其實意義不大，因為缺乏監警會監察，CAPO只會更加hea做。
三、其次，就係你要用無比的耐性和毅力去同佢玩，因為CAPO在過程中會無所不用其極地氹你放棄投訴，氹你用「表達不滿機制」或「簡便方式」解決個案，不斷話好難查etc。
呢個時候，你只需內心講一句「難你老母」，然後不斷重覆以下呢句說話「我要求正式投訴，要求啟動全面調查」，並且定期打電話去CAPO煩9佢，迫佢白紙黑字出信覆你，等你有實據揸手。
四、投訴期間，你可以要求CAPO以錄影方式與你落口供，亦可透過CAPO要求監警會觀察員出席落口供過程，以及要求觀察員監察CAPO的搜證過程。記住，你要同佢鬥煩，每個要求講100次，必要時拍埋片，等佢冇得事後話「吓，我唔知你有呢d要求喎」。
五、當CAPO完成調查後，就會將個案交給監警會覆核，基本上你冇得干預覆核過程，但為免監警會hea做，你都可以定期打電話和send email煩9佢。
六、最後，你係有向CAPO上訴的權利，雖然都係廢廢哋，但記住唔好放過每一個同佢糾纏嘅位。
七、最最後，CAPO唔肯調查投訴，用得最多嘅藉口永遠都係「確認唔到涉事警員身份」，所以以後遇到警察濫權，你一定要好有禮貌地接近佢，並盡量搵出/氹佢講出警察編號，否則起碼要影佢一張相，有樣先有得跟。
最後附上CAPO服務承諾供大家定期打去煩吓佢。
利申 發夢果時見到朋友咁講
