[續寫]「無啦啦多左幾個家姐同阿妹」(轉生)

尖下巴魯路修

855 回覆

143 Like 5 Dislike

ABCDEFG 2017-01-02 01:31:17

今晚仲有無

唔想咁快完

尖下巴魯路修 2017-01-02 01:42:13

「最終章」陳煒明

大家聽到我咁講都愕左然，一直係台下既Sarah佢地亦都即刻衝左上黎。

Ellen：「阿明，你真係要..」

我：「你地落返去等我先啦，我一陣有野同你地講。」

Ellen：「但係…」

Ellie：「行啦家姐，我地要信阿明啊。」

Sarah：「係囉，信佢喇，我地不嬲都等慣佢架啦，唔差在呢次啦。」

就係咁，Ellen係Sarah同Ellie半推半夾咁返落台，Yui亦緊隨其後。

只有Anna無郁，企左係度同我對望。

我：「Anna…」

Anna：「你要點做都好，我都會撐你，所以放膽去做啦傻仔明。」

我連「多謝」都未黎得切講出口，Anna佢就已經一個人返左落去。

多謝呢D說話，都係在心中啦，而家做左正經野先。

我：「唔好意思，我女朋友比較緊張我，我地講返正經野先喇。」

阿信：「我無聽錯啊？你話你願意離開七星？」

我：「係，你無聽錯，只要你地肯保證以後唔搞我同我屋企人，我可以離開七星。」

阿雪：「阿明你真係捨得？如果你留係七星的話你可以…」

我：「我知道，但我覺得自己始終都係唔岩呢D生活，而且我係七星會令我身邊既人為我操心。」

諾儀：「好，我明白啦，我可以向你保證，只要我仲係七星，就唔會有人搞你。」

阿雪：「我都無問題~~反正我本來就唔會針對阿明你~」

阿信：「我都無問題，但係你可以唔洗…」

我：「多謝你，不過都係唔好喇，我始終都係想…」

阿信：「好喇，真係難得有人可以放得低，我好佩服你。」

只係剩低阿天，大家都望住佢。

阿天：「陳煒明，我對你改觀。」

「主動提出離開七星既人，你係第二個，第一個主動提出離開七星既人到最後都係留係七星。」

「難得你有咁堅定既決心，所以我可以應承你，七星絕對唔會干擾到你既生活。」

「或者，我阿爸講得岩，我應該要學下你既氣量既態度。」

「好高興可以認識到你。」

阿天講完就行左埋黎，伸出隻手。

阿天：「不齒同一個曾經打過自己朋友既人握手啊…？」

我：「當然唔會，果件事我已經無放係心好耐。」

我一邊講一邊同佢握手。

其實阿天…都唔係咁差啫，起碼光明正大。

如果大家碰面既地方唔係七星，或者大家可以做朋友都未定。

我同阿天握完手就離開左呢個台，頭都不回果種。

我走到台下，見到既第一個人唔係Sarah佢地，而係李生仲有愛麗絲。

黒坂優香子 2017-01-02 01:44:42

live

尖下巴魯路修 2017-01-02 01:44:59

Sorry今晚真係完唔到
而聽日要溫stat
要3/1先完到

不過無人留意到我前面留左一個伏筆？
留意下D數字

將軍澳屌板男 2017-01-02 01:46:31

Sorry今晚真係完唔到
而聽日要溫stat
要3/1先完到
不過無人留意到我前面留左一個伏筆？
留意下D數字

留意唔到

吾係一隻貓 2017-01-02 01:48:49

Sorry今晚真係完唔到
而聽日要溫stat
要3/1先完到
不過無人留意到我前面留左一個伏筆？
留意下D數字

關唔關晨哥事?

菊花釀年華 2017-01-02 01:53:58

留名

破處青頭仔 2017-01-02 01:57:06

邊個係第一個

花與愛麗絲 2017-01-02 02:01:21

Sorry今晚真係完唔到
而聽日要溫stat
要3/1先完到
不過無人留意到我前面留左一個伏筆？
留意下D數字

關唔關晨哥事?

Yes

攞去洗啦死臭雞 2017-01-02 02:02:02

Sorry今晚真係完唔到
而聽日要溫stat
要3/1先完到
不過無人留意到我前面留左一個伏筆？
留意下D數字

六人讚成

條女個凶好勢 2017-01-02 02:07:54

可唔可以唔好完

整返個阿明同班女朋友仔嘅外傳好無

巴黎殺錯人 2017-01-02 02:12:41

Sorry今晚真係完唔到
而聽日要溫stat
要3/1先完到
不過無人留意到我前面留左一個伏筆？
留意下D數字

好似之前有講過晨哥話過退出, 不過最後無

咖哩狗 2017-01-02 02:26:48

最終章

mekoooooo 2017-01-02 02:39:28

留名

肥婆狙擊手(上將) 2017-01-02 03:01:34

二家姐呢

要補返多d戲份俾佢

花與愛麗絲 2017-01-02 03:15:15

其實青雞招技係做咩我次次都唔比出

金魚佬叔叔 2017-01-02 03:37:03

「或者阿明佢的確好似你講既咁，要靠其他人既幫手先可以走到黎呢度，但你知唔知點解大家會肯幫佢？」

「係因為大家認為阿明值得幫！你自己以前都應該係因為咁先會主動幫佢！」

「阿明並無主動求過我地，反而仲會拒絕，怕我地會因為幫佢而有事！」

「就算佢做左七星都好，佢都無變到！仲係果個一直陪我地顛既傻仔！」

「一個咁既傻仔，點解你要害佢？只係因為妒忌就要害佢？」

阿威：「係咁又點？唔可以？」

Anna：「佢甚至令你成為七星，你都仲要害佢？」

阿威：「你估佢本來想咁做架？佢只係需要有人係七星入面幫到佢先拉我入七星咋！」

原來佢係咁樣睇我。

我：「啊，係呀。你講得無錯，我係需要有人係七星入面幫我先令你成為七星。」

「不過而家你已經無哂利用價值啦，你可以消失。」

「主持人，我有另一個動議想提出。」

MC：「請問係咩動議呢…」

我：「將七星之一，劉氏逐出七星，贊成既請舉手。」

阿威：「陳煒明！！」

無人理會阿威既吼叫，阿天，阿信，諾儀，阿雪都舉高左手。

MC：「咁…六票贊成，我宣布動議成功通過，劉氏被剝奪七星身份。」

再見喇，我曾經既朋友。

可以的話，我真係唔想結局會係咁，我仲以為我地可以一齊玩一齊顛到grad，同埋阿惠仲有Anna四個一齊…

阿威之後就被保安帶走左，聽二家姐講出面已經有警車等緊阿威佢。

我：「二家姐，真係比你講中左，睇黎七星真係一個會令人…」

二家姐：「得喇，唔洗再講啦，我明白架啦…」

二家姐打斷左我既說話，仲拉左我埋去佢度，請我塊臉食哂波餅咁。

平時的話我應該會好享受，甚至可能會開始ff下，發下春夢咁，但我無。

我反而仲係二家姐心口上面好細聲咁喊左出黎。

可能係因為…算喇，點都好啦，已經無所謂啦…

只係我仲有野要做，喊就喊到呢度先啦。

我擦擦眼淚，重新走去台上，面對其餘個四位七星。

我：「我有一個私人既請求，想拜託你地四位。」

阿天：「即管講黎聽下。」

我估唔到之前最針對我既阿天會係最先開聲既人。

我：「我希望各位以後唔好再針對我或者我屋企人，有乜恩怨都一筆勾消。我想同我屋企人過返d安穩既生活。」

「當然我唔會要大家無條件咁做，作為交換條件，我會離開七星，消失係大家面前。」

呢樣或者係我唯一可以為我身邊既人做既事啦…