[深度分析]兄弟爬山的意義與得失

相信大家都知道今次抗爭其中一個核心就係兄弟爬山，各自努力，不割蓆，不督灰。我認為目前去到612都係成功嘅，因為冇大台，所以唔會被人騎劫，只要大家團結一致，有共同目標就ok。
但凡事都有兩面，當面對生死存亡或極重大目標時，大家的確可以團結一致，槍口對外。但如果形勢有變，事件開始失焦或敵方改變策略，當兄弟間意見嚴重分歧，咁仲可唔可保持到團結？
例如若兩軍交戰，對方指揮官想投降，咁兄弟間究竟接唔接受？再簡單啲，邊個負責出面去同對面傾同接受？又或者接受投降之後，到底係要釋放俘虜定斬草除根？根據兄弟爬山概念，根本處理唔到，唔通真係各有各做？咁理論上只要有一個人唔接受投降，要斬草除根。按各有各做黎講，只要對方唔逃走，唔反抗。只要有足夠時間，佢一個人都可以將對方趕盡殺絕。咁到時其他兄弟應唔應該阻止？又或者可以點樣阻止？所以先會出現大量捉鬼論，分化論，失敗論，階段成功論，和理非與勇武論等。因為只有將嗰個人或嗰班人隔絕於兄弟之外，咁先有道德基礎去勸諫或制止佢。哩個係兄弟爬山中不可能避免嘅缺點同問題，現階段靠提鬼根本冇辦法有效解決。
以本人愚見，其實兄弟爬山嘅意義就係民主嘅意義，我未必完全認同你嘅言論或行為，但我仍然尊重你，只要大家都係同路人，想為件事好，大家可以理性討論，尋求一個大家都接受嘅方案，其實咁姐係所謂嘅議會制。
要解決問題在於有大台/組織與兄弟爬山意義好似有衝突，但其實不然。正如我所講，兄弟爬山真正嘅意義就係民主嘅實踐。當人數同意思唔多嘅時候，各有各做的確有效果，大家識得自動分工合作。但當人數同意見因量變而質變，就會變成一盤散沙，互相指責。係哩個時候需要嘅就係組織，姐係依家大家睇到嘅唔同政黨同團體。參考返歐美民主制度，同樣有一個總統/首相等，然後之下有議會，有政黨，有唔同嘅組織。兄弟爬山嘅民主意義，同樣可以透過一層一層嘅制度同組織去實現。
所以當然之急，立刻停止分化，形勢已經因暴政策略而改變。依家更加雖然團結，更加需要貫徹兄弟爬山嘅信念，要用更加有效率嘅方式去呈現。我建議成立一定要成立一個臨時嘅聯合組織，歡迎大家以個人或自行組成不同小組去加入，例如文宣組，物資組，勇武組等等。透過討論，協商，分工合作，用民主嘅辦法去解決問題，而唔係不停罵戰同捉鬼。要相信所以在場嘅香港人都只有一個信念，就係想守護香港哩個家，想為香港出一分力，想香港好。只不過大家嘅手段同方法有所不同。記住，兄弟爬山，我地首先係兄弟！！！
至於如何成立臨時組織，有咩章程，點樣吸引最大公約數。老實講，我冇咁嘅號召力及能力，但係我都會盡力去係下一篇關於組織嘅文章裡面，提供我嘅愚見，一切野都係開放同歡迎討論，請大家用多啲時間去思考同實踐。

推

唔想變雨傘2.0嘅入一入黎
https://lih.kg/1234083
- 分享自 LIHKG 討論區
希望你地可以分享俾多啲人睇 警方已經轉左玩法今朝冇清到場 就係為左要去返雨傘咁要團體向法院提出清場 但如果用我方法可以令返主導權同埋迫到政府官員出面回應 甚至民生問題都可以用依個方法到時係選舉拎返地方票

推

同意你講一定要勁團結
但組織一有名單就易畀人捉

我覺得參考返612 有乜野喺tg 公告會精神啲

推

我其實都好怕死，因為一成立左組織就等於上左身，所以我傾向係聯合組織，一來目標會分散啲，二來好似民陣，泛民個啲會有基本人數，三來組織盡量以唔犯法嘅行動為主，減低風險，好似民陣就好少比人話要拉

推

推

推

推

推

兄弟爬山
和而不同
互相配合
全即是一

正式宣布籌組革命議會！！連登行動派發言機關！！
https://lih.kg/1201512
- 分享自 LIHKG 討論區

我好同意向行動發言機關呢個方向發展
但位巴打612之後冇再執筆
希望有人可以繼承佢事業

本民前四年前就係咁既vocal point
不過畀人清算晒
而家更難有人有咁既勇氣企出嚟

想分幾個台一齊傾
而家冇咩方向

成立關注組去繼續留意係方法
但呢個組織存在性一定要係和理非既風格
一旦佢再來 都能夠利用關注組成立既網絡來動員
同埋無得比政府招話柄話你地衝你地挑起暴力
所以最好要用宗教領袖或者專業人士組成
變左要抵擋政府文攻都有本錢去做

另外武鬥方面的確唔可以有正名去做一個組織
召集成為組織會令一眾義士容易俾追蹤
變左呢一part最好由群眾自己組織 訓練同埋溝通
自我召集志同道合既同路人小隊式行動
呢方面相信有大把巴打會提供到資訊

總之只要社運目標夠清晰，唔好將其他議題炒埋落去，
就唔會出現割蓆爭話語權既情況，
而我自己相信短期係要靠社運，
長期都係需要大家諗方法鼓動中間最核心果群人，
多d政治參與，例如最簡單既投票，
如果大家贊同武力係唔能夠影響政府施政，
咁用選票去撼動政府先係最有效同唯一既方法。

非常同意，所以我傾去成立臨時聯合組，件事完左會解散，鼓勵以不同小組形式加入，保留獨立性

推

推

推

最怕大台化者

「注意」：大量留言令傳達消息沉底
他們緊靠一句口號，從散沙團結起來。
「兄弟爬山，各自修行，永不篤灰，永不割席，槍口對外、團結一致」。不論你是那一方，請緊守口號。
請相信年青人的智慧及行動，「感謝各界關心」，由於年青人是從69自發站出來，而非預謀行動。
因昨天出現大量留言「撤退、離開及捉鬼論」等字眼的討論及貼，「不停洗版」，令到「傳達消息被沉底」。

今天很多爸爸媽媽陪同大家站出來，大家是「感恩」的，也「了解」大家是「因為擔心」。但請相信他們的智慧，可攻可守，這批年青人是有史以來最成功的，而又沒預謀的一群愛家人士，用「自己身體」「行動」「前途」追究政府。

請大家繼續守護孩子，不離不棄，別重踏雨傘事件，離棄他們，讓他們絕望。

而「繼續留撤退等」字眼，將示為「警方擾亂」，「請務必廣傳」，謝謝。617更新